Yaponiyening 12 chong shirkiti mejburiy emgekke chétishliq sodisini ayaghlashturmaqchi bolghan

Muxbirimiz jewlan
2021-02-22
Share

"Yaponiye waqti" torining 22-féwral élan qilghan xewiridin melum bolushiche, yaponiyening 12 chong shirkiti bir belgilime tüzgen bolup, bu belgilime arqiliq xitayning mejburiy emgektin nep alidighan shirketliri bilen soda munasiwitini üzmekchi iken.

Amérika, en'giliye qatarliq döletler Uyghur rayonidin kirgüzülidighan paxta mehsulatliri we bashqa buyumlargha cheklime qoyghandin kéyin, yaponiye karxanilirimu bésimgha duch kelgen bolup, kishilik hoquqni depsende qilish bedilige payda tapidighan xitay shirketlirige qarshi heriket qollinishi telep qilin'ghan. Yaponiye hökümiti xitayning ghezipidin ensirep, bu mesilide izchil passip bolup kelgechke xitaygha qarshi tedbir qollanmighanliqi üchün tenqidlinip kelgen.

Awstraliye istratégiyelik siyaset tetqiqat merkizi ötken yil élan qilghan, mejburiy emgekke chétishliq 82 chong shirket ichide yaponiyening 14 shirkiti melum bolghan. Bularning ichide panasonik, toshiba, soni, xitachi qatarliq 12 shirket belgilime tüzüp, Uyghurlarning qan-terini sümürüwatqan xitay shirketliri bilen bolidighan sodisini toxtitidighanliqini bildürgen؛ bezi shirketler xitay shirketlirining bu qilmishi éniqlan'ghan teqdirde andin un oylishidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet