"Diplomat" zhurnili: "Amérika shirketlirining Uyghur mejburiy emgikini tekshürüsh waqti keldi"

Muxbirimiz eziz
2020-03-20
Élxet
Pikir
Share
Print

20-Mart küni amérikadiki "Diplomat" zhurnilida maqale élan qilinip, amérika shirketlirining Uyghur mejburiy emgikini tekshürüsh waqti kelgenlikini bildürgen.

Maqalide tekitlishiche, amérika hökümiti bu jehettiki muwapiq hemkarliq yükini shirketlerge yüklishi kérek iken. Chünki shirketler xitayning emgek adetlirini échip tashlashqa eng muwapiq kélidiken.

Maqalining aptori amérikadiki nopuzluq aliy mekteplerning biri bolghan yél uniwérsitétining oqughuchiliridin richard altéri bilen bénjamin délla rokka bu mesilide amérika hökümitining qanuni we exlaqiy mejburiyiti barliqini bildürgen.

Ularning tekitlishiche, amérika tamozhna we chégra idarisi awstraliyediki tetqiqat ornining yéqinda élan qilghan doklatida tilgha élin'ghan xitay karxanilirini tekshürüshi kérek iken. Awstraliye istirategiyelik siyaset instituti ikki hepte awwal élan qilghan doklatida Uyghurlarni mejburiy emgekke sélip, dunyadiki dangliq markilargha mehsulat ishlepchiqiriwatqan az dégende 27 xitay karxanisini bayqighan.

Maqalide tekitlishiche, amérika tamozhna we chégra idarisi xitayning Uyghur mejburiy emgek küchlirige da'ir uchurlarni qattiq kontrol qilishi seweblik bu jehettiki uchurlarda qiynalmaqta iken. Maqalide amérika tamozhna we chégra idarisining bu mesilini hel qilish üchün shirketlerge özining mehsulat teminat zenjirini tekshürüshke mes'ul bolushini telep qilishi kéreklikini bildürgen.

Toluq bet