Б д т кишилик һоқуқ мутәхәссислири уйғур дияридики мәҗбурий әмгәккә қарши баянат елан қилди

2021-03-30
Share

Бирләшкән дөләтләр тәшкилати (б д т) қармиқидики сода вә кишилик һоқуқ мәсилилири хизмәт гурупписиниң рәиси данте пес һәмдә кишилик һоқуқи, қийнақ мәсилилири, диние етиқад әркинлики, заманивий қуллуқ мәсилиси қатарлиқ 15 саһәниң алаһидә мәлуматчилири бирликтә баянат елан қилип, уйғур дияридики мәҗбурий әмгәк һадисисидин өзлириниң бәкму әндишә қиливатқанлиқини билдүрди.

29-Март күни б д т ниң тор бетидә елан қилинған баянатта уйғур дияридики лагирлар һәмдә мәҗбурий әмгәкниң көлими алаһидә әскәртилип "уйғур ишчилар һечқанчә техника тәләп қилмайдиған төвән маашлиқ кәспләрдә заманиви қуллар әмгикигә селиниватқанлиқиниң көпләп испатлири мәлум болмақта. Биз буниңдин чоңқур әндишидә" дейилиду. Шуниңдәк хитай һөкүмитиниң "терорлуққа қарши туруш" һәмдә "намратлиқни түгитиш" ни баһанә қилип уйғурларни мәҗбурий әмгәккә селиши "қанунсизлиқ" дәп әйиблиниду.

Баянатта ейтилишичә, бу мутәхәссисләр хитай һөкүмитини өз ичигә алған 13 дөләткә бу әһвални уқтуруп, уларни хитайдики мәҗбурий әмгәккә шерик болуп қалмаслиққа чақирған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт