Америка сиясийонлири уйғурлар дияридики мәҗбурий әмгәк һәққидә очуқ хәт елан қилди

Мухбиримиз әзиз
2020-04-08
Елхәт
Пикир
Share
Принт

Хитай һөкүмитиниң уйғурлар дияридики лагер тутқунлирини вә башқа уйғур яшлирини «ешинча әмгәк күчи» дегән намда хитай өлкилиригә йөткәп мәҗбурий әмгәккә селиши һәр саһәниң күчлүк тәнқидлиригә дуч кәлмәктә.

6-Апрел күни америка авам палатасиниң әзаси илхан өмәр ханим «алма», «амазон» вә «гогул» ширкәтлиригә очуқ хәт йоллап, мәҗбурий әмгәкни изчил давам қиливатқан хитай һөкүмити билән болидиған сода алақисини равурус ойлинип көрүшкә чақирди. У мәктупта «чәтәлләрдә сода билән шуғуллиниватқан америка ширкәтлири бизниң дөлитимизгә вәкиллик қилиду. Уларниң түплүк кишилик һоқуқ вә қиммәт қарашларни унтумаслиқ мәҗбурийити бар» дәп көрсәтти.

Мәктупта йеқинда елан қилинған «сетиливатқан уйғурлар» намлиқ доклаттин нәқил алған һалда, уйғурларниң мәҗбурий әмгикигә бәдилигә меңиватқан завут-фабрикилар көрситип берилди. Шундақла уларниң уйғурлар езиливатқан мәҗбурий әмгәктин хәвәрдар яки әмәслики сүрүштә қилинди.

Мәктупқа америка авам палатасиниң әзалиридин җим мәкговерин, рәшидә тайиб қатарлиқ бәш киши имза қойған болуп, уйғурлар дияридики мәҗбурий әмгәкни чәкләшкә қаритилған йәнә бир қетимлиқ иҗабий һәрикәт һесаблинидикән.

Пикирләр (0)
Share
Толуқ бәт