En'giliyediki bir nazaret qilish orgini xitaydiki kaméra yasaydighan shirkettin Uyghur irqiy qirghinchiliqi bilen chétishliqi bar-yoqluqini sürüshtürgen

Muxbirimiz jewlan
2022-04-15
Share

Lagér shahidi owalbék turdaxun 13-aprél küni bergen guwahliqida xitay türmilirige ornitilghan közitish kaméralirining hemmisi Hikvision markiliq kaméralar ikenliki, mehbuslarni 24 sa'et közitip turidighanliqini ashkarilighanidi. Buning bilen, xitayning eqliy iqtidarliq kaméralar arqiliq Uyghur we bashqa milletlerni teqip-qamal astigha élip, zamaniwi qirghinchiliq yürgüzüwatqanliqi téximu ayan bolghanidi. Buning türtkiside, en'giliyediki bir nazaret qilish orgini xitayning daxu'a shirkitidin Uyghur rayonidiki kishilik hoquq jinayiti bilen chétishliqi bar-yoqluqini sürüshtürgen.

“Bi'ométrik” (bi'ologiyelik uchur) torining 14-aprél küni bergen xewiride éytilishiche, en'giliye bi'ologiyelik perqlendürüsh we nazaret qilish komissari frasér sampson (Fraser Sampson) 11-aprél küni daxu'a shirkiti bazar bölümining diréktorigha xet yézip, bu shirket üstidiki eyibleshlerge jawab bérishni telep qilghan. Bu xette, daxu'a shirkitining Uyghur rayonidiki kishilik hoquq jinayitige chétishliq ikenliki, yeni milyondin köp Uyghur we bashqa milletlerning daxu'a shirkiti teminligen chiray tonush iqtidarigha ige kaméralar arqiliq teqip we nazaret astigha élin'ghanliqi körsitilgen.

Frasér sampsonning bildürüshiche, uning xizmetchi xadimliri daxu'a shirkiti bilen körüshüp, bu shirketning Uyghur rayonidiki teqip we nazaretke yantayaq bolup, saqchilargha bi'o-iqtidarliq kaméra we yumshaq détal teminlep bergenliki, en'giliyege teminligen kamérliriningmu en'giliyening bixeterliki üchün tehdit ikenliki qatarliq mesililerni otturigha qoyidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet