Afzal xan en'giliye hökümitini quyash énirgiyesini kéngeytkende Uyghur mejburiy emgikining yoqliqigha kapaletlik qilishqa chaqirghan
En'giliye hökümiti quyash énérgiye taxtisi qurulushini kéngeytish pilanining Uyghurlargha qaritiliwatqan irqiy qirghinchiliq bilen bulghanmighan bolushigha kapaletlik qilishqa chaqirilghan.
En'giliyening “Siyaset” gézitining xewer qilishiche, en'giliye emgek partiyesining wekili afzal xan parlaméntta qilghan sözide, quyash énérgiyisi batariyesi polissikonning dunya miqyasidiki teminlinishining 45 pirsentining Uyghurlarning mejburiy emgikige chétishliq ikenlikini tekitlep: “En'giliye hökümitining quyash énérgiyesini kéngeytish pilanining Uyghur qirghinchiliqi bilen bulghinish mumkinchiliki intayin chong,” dep eskertken.
Afzal xan awam palatasini barliq “Küchlük tedbirler” ni ishqa sélip, en'giliyening herqandaq orginining Uyghurlarning mejburiy emgiki, jümlidin Uyghurlargha qaritiliwatqan zulumgha chétilip qalmasliqigha kapaletlik qilishini telep qilghan.
En'giliye taratqulirining xewer qilishiche, en'giliye bash weziri boris jonson en'giliye éhtiyajliq bolghan énirgiyeni quyash énérgiyesi arqiliq teminlesh pilanini otturigha qoyghan bolup, bu pilan xitayning quyash énérgiyesi bazirigha meblegh sélishni köpeytidiken.
En'giliye parlaméntidiki konsérwatiplar, hökümetning xitaydin téximu köp quyash énirgiye téxnikisi kirgüzüsh pilanining xitayning Uyghurlargha qaritiwatqan irqiy qirghinchiliqi bilen bulghinishidek aqiwetni keltürüp chiqiridighanliqini agahlandurup kelmekte.
- Amérika Uyghur akadémiyesining 3-nöwetlik saylimida aldinqi xizmetler xulasilinip yéngi pilanlar otturigha qoyuldi
- Bextiyar böre: “Men Uyghur, men térrorchi emes, irqiy qirghinchiliqni toxtat”
- Nuri türkel: “Méning komissarliq xizmitim bolsun we yaki hazirqi re'islik xizmitim bolsun hemmisi asasliq Uyghurlarning xizmitini qilishni merkez qilghan”
- B d t ning ichki qismidiki nishanigha muxalip qilmishliri we Uyghur mesilisi
- Dunya musapirlar künide Uyghur musapirlirini kanadagha yerleshtürüsh heqqide teklip layihesi sunuldi
