Amérika we yawropa ittipaqining tashqiy ishlar hemde soda ministirlirining yighinida Uyghur mejburiy emgek mesilisi muzakire qilghan

Muxbirimiz erkin
2022-05-16
Share

Amérika bilen yawropa ittipaqi tashqiy ishlar we soda ministirlirining 15-may yekshenbe küni fransiye paytexti parizhda ötküzülgen yighinida Uyghur mejburiy emgikige qandaq xatime bérishning yollirini muzakire qilin'ghan.

Xongkongda chiqidighan “Jenubiy xitay eti'e'enlik pochtisi” gézitining xewer qilishiche, ikki terepning 16-may düshenbe küni élan qilinidighan qoshma bayanatidimu “Mejburiy emgekni tügitish”, shundaqla téxnologiyening kishilik hoquqni depsende qilish we süyi'istimal qilishta, her xil shekildiki basturush hemde döletlerning bixeterlikige buzghunchiliq qilishta ilitilitilishige qarshi turush tilgha élin'ghan iken.

Amérika-yawropa ittipaqi soda we téxnologiye kéngishining 2-nöwetlik bu yighinigha amérika tashqiy ishlar ministiri blinkén, soda ministiri gina raymondo, amérika soda wekili katérin tay, yawropa ittipaqi soda komissari waldis dombrowiskis, yawropa ittipaqining riqabet we digitalgha mes'ul komissari margrété wéstagér, fransiya tashqiy ishlar ministéri lé dériyan qatarliq kishiler qatnashqan. “Jenubiy xitay etigenlik pochtisi” ning éytishiche, yawropa ittipaqining soda komissari waldis dombrowiskis söhbettin kéyin muxbirlargha ittipaqdashlarning “Bayanlardiki xitayning shinjang ölkiside keng omumliship, chong endishige aylan'ghan mejburiy emgekni chekleshning eng yaxshi yolining némiler ikenliki toghrisida keng-kushade muzakire élip baridu,” dégen.

Yawropa ittipaqi ötken yili 9-ayda Uyghur mejburiy emgek mehsulatlirini cheklesh pilanini otturigha qoyghan bolsimu, biraq bu hazirgha qeder emelge ashmighan. Amérika tashqiy ishlar ministirliqi yéqinda dölet mejlisige sun'ghan doklatida, amérikaning “Barliq hoquqi we bayliq menbesini ishlitip”, Uyghur mejburiy emgek mehsulatlirini chekleydighanliqini éytqan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet