Уйғур мәҗбурий әмгикини аяғлаштуруш бирләшмиси мишел бачелетни кишилик һоқуқ доклатини елан қилишқа чақирған

Мухбиримиз җәвлан
2022.06.08
Share on WhatsApp
Share on WhatsApp

Алдинқи айда б д т кишилик һоқуқ алий комиссари мишел бачелетниң хитай вә уйғур районидики зиярити омумйүзлүк тәнқидкә учриғандин кейин, уйғур мәҗбурий әмгикини аяғлаштуруш бирләшмиси мишел бачелетни уйғур вә башқа түркий хәлқләргә мунасивәтлик кишилик һоқуқ доклатини елан қилишқа чақирған.

Мәзкур бирләшмә өз тор бетидә бәргән баянатида, мишел бачелетни уйғур районидики заманиви қуллуққа мунасивәтлик көплигән испатларни бу доклатқа киргүзүшкә, шу арқилиқ нурғун ширкәтләргә бу қилмишқа қарши күрәш қилишқа үндәйдиған тәклипләрни беришкә дәвәт қилған.

Бу баянатта көрситилишичә, хәлқара әмгәкчиләр тәшкилати мутәхәссисләр гурупписи хитайниң мәҗбурий әмгәк сияситигә күчлүк диққәт қилип кәлгән. Уйғур мәҗбурий әмгикини аяғлаштуруш бирләшмисиму бу мәсилидә б д т кишилик һоқуқ ишханиси билән бирдәкликни сақлаш үчүн уйғурлардики мәҗбурий әмгәк, җүмлидин хәлқара ширкәтләрниң буниңға шерик болғанлиқи тоғрулуқ мәхсус доклат тәйярлап мишел бачелетқа сунған вә униң бу доклатни елан қилип, хитайниң бу қилмишни ашкара әйибләшкә чақирған.

Мәлуматлардин қариғанда, дунядики пахтиниң 20 пирсәнти, қуяш енергийәси тахтисиниң 45 пирсәнти уйғур районидин чиқидикән вә бу мәһсулатлар мәҗбурий әмгәк билән четишлиқ икән.

Уйғур мәҗбурий әмгикини аяғлаштуруш бирләшмиси мишел бачелетни уйғур райониға мунасивәтлик кишилик һоқуқ доклатини, җүмлидин қул әмгикигә четишлиқ испатларни вақтида елан қилишқа чақириш билән биргә, көплигән органлар, һөкүмәтләр вә кархана орунлирини дәрһал һәрикәт қоллинип, уйғур районидики мәҗбурий әмгәк кризисини аяғлаштурушқа үндигән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.