Австралийә кеңәш палатасиниң комитети уйғур мәҗбурий әмгәк мәһсулатлирини чәкләшни тәләп қилған

Мухбиримиз әркин
2021-06-18
Share

Австралийә парламенти кеңәш палатасиниң ташқий ишлар, дөләт мудапийә вә сода комитети австралийә һөкүмитидин уйғур мәҗбурий ‍әмгәк мәһсулатлирини чәкләшни тәвсийә қилған. "сидней әтигәнлик хәвәрчиси" гезитиниң билдүрүшичә, бу һәқтики йеңи қанун лайиһәси һәр қайси партийә-гуруһларниң бирдәк қоллишиға еришкән.

Хәвәрдә кеңәш палатасиниң тәвсийәси һөкүмәтниң мәҗбурий әмгәк мәһсулатлирини ‍импорт қилишқа қарши тәдбир елишиға бесим пәйда қилидиғанлиқи, тәвсийәгә асасән викторийә штатиниң хитайдин уйғур мәҗбури әмгикигә четишлиқ пойиз запчслирини сетивелиш содисиниңму тәкшүрүлүши мумкинлики тәкитләнгән.

Хәвәрдә ейтилишичә, комитет адәттә уйғурлар тәрипидин ишләпчиқирилидиған "шнҗаң пахтиси" чәкләш тизимликиниң ‍алдинқи қатаридин орун елиши керәк, дәп көрсәткән. Комитет йәнә "хитай диктатурлиқи тәрипидин уйғурлар дучар болған дөләт һамийлиқидики мәҗбурий әмгәк еғир кишилик һоқуқ дәпсәндичиликидур," дәп көрсәткән. Униңда йәнә "һөкүмәтниң тәдбир қоллинип австралийә карханилири вә истемалчилириниң бу хил қорқунучлуқ хорлашқа шерик болуп қалмаслиқиға капаләтлик қилиш мәҗбурийити бар," дәп тәкитлигән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт