Amérika hökümiti mejburiy emgekke chétishliq paxta mehsulatlirini chekleydiken

Muxbirimiz jewlan
2022.06.22
Share on WhatsApp
Share on WhatsApp

“Uyghur mejburiy emgikining aldini élish qanuni” 21-iyundin bashlap ijra qilin'ghandin kéyin, amérika tamozhna we chégra qoghdash idarisi mejburiy emgek bilen chétishliqi bar dep békitken mallarni tutup qalidiken. Buning ichide Uyghur rayonidin kélidighan paxta we paxta mehsulatliri eng zor salmaqni igileydiken.

“Muhapizetchi” torining xewiride éytilishiche, mezkur qanunning yolgha qoyulushi amérika we bashqa döletlerdiki kiyim-kéchek karxanilirigha nahayiti chong tesir körsitidiken. Chünki dunyadiki paxtining 20 pirsenti xitaydin kélidiken, xitaydiki paxtining 80 pirsenti Uyghur rayonidin chiqidiken.

Dangliq kiyim-kéchek karxana mes'ullirining bildürüshiche, “Shinjang paxtisi” ning mal teminlesh zenjiri nahayiti keng iken. Paxtini chigittin ayrighan chaghda her qaysi jaylardin kélidighan paxtilar bir-birige ariliship ketkechke, uning nedin kélidighanliqini asan ayrighili bolmaydiken.

Shundaqtimu hazir paxta toqumichiliq mehsulatlirining terkibini tehlil qilip, uning kélish menbesini éniqlaydighan téxnika shirketliri bölek zenjiri (block chain) we eqliy iqtidarliq iz qoghlash téxnikisi arqiliq dangliq mehsulatlarning mal teminlesh liniyesini tekshüreleydiken.

Trus Trace Shirkiti mes'ulining bildürüshiche, dangliq markilar öz mehsulatlirigha “Shinjang paxtiliri” ning ariliship qalmighanliqini ispatlash üchün, shu paxta chiqidighan jaydin tartip mehsulatqa aylan'ghuche pütün mal teminlesh liniyesige a'it sanliq melumatlarni körsitishi kérek iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet