Xitay mejburiy emgekke séliwatqan Uyghur ishchilirini b d t da sözlitip, mejburi emgekni ret qilghan

Muxbirimiz erkin
2021-07-01
Share

Xitay hökümiti b d t da Uyghur mejburiy emgek küchlirining sözlitish arqiliq ‍özlirining Uyghurlarni mejburiy emgekke salghanliqini ret qilishqa urun'ghan. Xitay da'iriliri 29-iyun küni xitayning jyangshi ölkiside ishlewatqan aqtuliq bir Uyghur ‍ishchini tor arqiliq b d t kishilik hoquq kéngishining yighinida sözlitip, uning éghizi arqiliq "Uyghur ishchilirining diniy étiqadini öz ichige alghan her xil heq-hoquqlirigha hörmet qilip kéliwatqanliqi" ni ilgiri sürgen.

Xitay hökümiti Uyghurlargha "Irqiy qirghinchiliq" qilghanliqi, mejburi emgekke salghanliqini ret qilip, ularning heq-hoquqlirini qoghdawatqanliqini ilgiri sürsimu, biraq xitay b d t ning shertsiz tekshürüsh élip bérish teleplirini ‍izchil ret qilip kelgen.

U bu qétim ‍özini ‍aqlashta 2017-yildin béri xitayning jyangshi ölkisi nenchang shehridiki bir zawutta ishlewatqan aqtuliq ishchi yüsüpjan yasinni qollan'ghan.

Da'iriler yüsüpjan yasinni 29-iyun b d t kishilik hoquq kéngishining 47-nöwetlik yighinida sözletken. U ‍özining yanfon qurashturush séxida ishleydighanliqi, her xil qanuniy hoquqlirining qoghdiliwatqanliqi, shirketning bikarliq yataq bilen teminleydighanliqi, shara'itining toluq ‍ikenliki, her ayda 4500 somdin 5500 somghiche mu'ash alidighanliqi, ishtin chüshkendin kéyin we hepte axirida dem ‍alidighanliqi, zawutta musulmanche tamaq yéyelydighanliqini, musulmanlarning meschitke bérip namaz oqusa bolidighanliqini ilgiri sürgen. Biraq kishilik hoquq teshkilatlirining bildürüshiche, da'iriler Uyghur emgek küchlirini herbiy tüzüm bilen bashquridighan bolup, ularning héchqandaq erkiliki yoq ‍iken.

Biraq tenqidchiler xitayni Uyghurlarning erkinlikini tartiwélip, ularni herbiy nazaret astida mejburiy emgekke sélish, jaza lagérlirida qiynash bilen eyiblep kelmekte. ‍Amérikaning b d t da turushluq sabiq bash elchisi nikkéy héyléy 1-iyun küni signalda uchur yollap: "Jaza lagérlirigha qamalghan we qiyin-qistaqqa uchrawatqan bir milyon Uyghurni untup qalmasliqimiz kérek," dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet