Makron bilen mérkél shi jinping bilen sözliship, Uyghur mejburiy emgikige qarshi teleplirini otturigha qoyghan

Muxbirimiz erkin
2021-07-06
Share

Fransiye prézidénti émmanu'él makron bilen gérmaniye bash ministiri an'géla mérkél 5-iyul küni xitay re'isi shi jinping bilen ‍ékran söhbiti ötküzüp, Uyghur mejburiy emgek mesilisini öz ‍ichige alghan bir qatar mesililerni sözleshken.

Fransiye prézidént mehkimisining ashkarlishiche, makron bilen mérkélning her ‍ikkilisi xitay kishilik hoquq mesilisini otturigha qoyghan, shundaqla "Mejburiy emgekke qarshi turush" teleplerni qayta tekitligen.

Ötken ayda en'giliyede chaqirilghan G-7 döletlirining bashliqlar yighinida Uyghur mejburiy emgek mehsulatlirini xelq'ara teminat zenjirdidin tazilash qarar qilin'ghan idi. Fransiye prézidént mehkimisining éytishiche, bu söhbet bu yil küzde en'giliyede ‍ötküzülidighan hawa kélimat yighini, italiyede ötküzülidighan G-20 dölet bashliqliri yighinini öz ichige bir qatar xelq'ara yighinlarning teyyarliqi ‍iken.

Söhbette fransiye, gérmaniye rehberliri shi jinping bilen kömür kan éliktir istansisilirini meblegh bilen teminleshke xatime bérish, soda mesiliside yawropaning "Xitay soda bazirigha kirish we adil riqabet telepliri" ni muzakire qilghan. Bu söhbet shi jinping xitay kompartiyesining yüz yilliqini tebriklesh pa'aliyitide, xitayning mustemlikichilik we xorluqqa xatime bérip, "Chong döletke aylinishining keynige qayturghili bolmaydighan musape" ikenlikini jakarlap arqidinla ötküzülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet