Әнглийә һөкүмити мәҗбурий әмгәккә четишлиқ ширкәтләр тизимликини елан қилиду

Мухбиримиз әзиз
2022.07.19
Share on WhatsApp
Share on WhatsApp

19-Июл күни әнглийә һөкүмити рәсмий баянат елан қилип, уйғур дияридики мәҗбурий әмгәк қилмишиға һәрқандақ шәкилдә бағлинип қалған һәрқандақ ширкәтниң мәһсулатини әнглийә тәвәсигә импорт қилиништин тосуп қоюлидиғанлиқини җакарлиди. Әнглийә һөкүмитиниң тиветтир бетидә елан қилинған бу һәқтики видийолуқ баянатта бу қарарниң елиниши мәҗбурий әмгәккә вә заманиви қуллуққа қарши тунҗи қетимлиқ һәрикәт икәнлики, әмма буниң һазирму бир қисим дөләтләрдә давам қиливатқанлиқи алаһидә тәкитлиниду.

Баянатта ейтилишичә, әнглийә һөкүмити өткән мәзгилләрдики тәйярлиқтин кейин мәҗбурий әмгәк билән шуғуллиниватқан ширкәтләрниң исимликини турғузуп чиққан. Әмди буни елан қилишниң ахирқи пәйти йеқинлап кәлгән болуп, шуниңдин кейин бу һәқтики чәкләш тәдбирлири күчкә игә болидикән.

Мәлум болушичә, америка һөкүмити “уйғур мәҗбурий әмгикиниң алдини елиш қанун лайиһәси” ни иҗра қилишқа киришкәндин буян барғансери көп ғәрб дөлити буниңға аваз қошмақтикән. Әмдиликтә әнглийәниңму бу һәқтә ашу хил әмәлий қәдәм елиши бу җәһәттики бир зор илгириләш, дәп қаралмақтикән.

Көп көрүлгән хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.