En'gliye hökümiti mejburiy emgekke chétishliq shirketler tizimlikini élan qilidu

Muxbirimiz eziz
2022.07.19
Share on WhatsApp
Share on WhatsApp

19-Iyul küni en'gliye hökümiti resmiy bayanat élan qilip, Uyghur diyaridiki mejburiy emgek qilmishigha herqandaq shekilde baghlinip qalghan herqandaq shirketning mehsulatini en'gliye tewesige import qilinishtin tosup qoyulidighanliqini jakarlidi. En'gliye hökümitining tiwéttir bétide élan qilin'ghan bu heqtiki widiyoluq bayanatta bu qararning élinishi mejburiy emgekke we zamaniwi qulluqqa qarshi tunji qétimliq heriket ikenliki, emma buning hazirmu bir qisim döletlerde dawam qiliwatqanliqi alahide tekitlinidu.

Bayanatta éytilishiche, en'gliye hökümiti ötken mezgillerdiki teyyarliqtin kéyin mejburiy emgek bilen shughulliniwatqan shirketlerning isimlikini turghuzup chiqqan. Emdi buni élan qilishning axirqi peyti yéqinlap kelgen bolup, shuningdin kéyin bu heqtiki cheklesh tedbirliri küchke ige bolidiken.

Melum bolushiche, amérika hökümiti “Uyghur mejburiy emgikining aldini élish qanun layihesi” ni ijra qilishqa kirishkendin buyan barghanséri köp gherb döliti buninggha awaz qoshmaqtiken. Emdilikte en'gliyeningmu bu heqte ashu xil emeliy qedem élishi bu jehettiki bir zor ilgirilesh, dep qaralmaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.