“Genféng litiy shirkiti” ning Uyghur élida litiy qazmaqchi bolushi Uyghur mejburiy emgiki endishini kücheytti

Muxbirimiz irade
2022.07.21
Share on WhatsApp
Share on WhatsApp

Xitaydiki eng chong litiy ishlepchiqarghuchi shirket bolghan “Genféng litiy shirkiti” ning Uyghur élida litiy qézish we ishlepchiqirish üchün tekshürüsh xizmetlirige bashlishi Uyghur mejburiy emgiki mesilisige diqqet qiliwatqan orun we shexslerning diqqitini qozghidi. Mezkur shirket BMW we tésla (Tesla) shirkiti qatarliq aptomobil ishlepchiqarghuchilarni litiy bilen teminleydiken.

Blumbérg gézitining xewer qilishiche, xitayning “Genféng litiy shirkiti” yéqinda dölet qollishidiki tarmaq shirketler bilen arqiliq hemkarliship turup, Uyghur élida litiy, nikél we bashqa muhim métal bayliqlirini qézishni tézlitidighanliqini élan qilghan bolup, mezkur shirket guruhining re'isi li lyangbin bu yilning béshida Uyghur élini ziyaret qilip yerlik hökümet da'iriliri bilen bu heqte söhbetleshken iken.

Halbuki, “Genféng litiy shirkiti” ning Uyghur élida litiy qatarliq qimmetlik kan bayliqlirini ishlepchiqirishqa kirishishi eslidila Uyghur mejburiy emgikige chétishliq, dep eyibliniwatqan tésla qatarliq tokluq aptomobil sahesige bolghan diqqetni yenimu ashurghan.

Mejburiy emgek mesililirini tekshürüsh we meslihet bérish shirkiti bolghan “Horizon Advisory” ning qurghuchilirining biri bolghan émiliy déla bruyiri xanim ( (Emily de La Bruyere mundaq dégen: “Shinjangdin chiqidighan matériyallarni ishlitishning tokluq aptomobil sahesige keltüridighan xetiri nahayiti chong. Xitaydiki barliq bataréye ishlepchiqirishi amérikaning qanunlirigha we yersharining kishilik hoquqni merkez qilghan qa'idilirige xilap bolushi mumkin. Xitayning shinjangda tokluq aptomobilgha munasiwetlik kesiplerni dawamliq berpa qilishi xewpni kücheytip mangidu.”

Xitayning “Genféng litiy shirkiti” blumbérg gézitige bergen bayanatida “Özlirining xizmetchilerning hoquqini qoghdashqa ehmiyet béridighanliqini, yene kélip Uyghur élidiki bu türning deslepki qedemdiki izdinish basquchida ikenliki” ni tekitlep: “Kelgüsi tereqqiyatqa mas kélidighan türlerning bar-yoqluqi hazirche éniq emes” dégen.

Tésla shirkitining xitaydiki wekilliri bu heqte ipade bildürüshni ret qilghan, gérmaniyening BMW shirkiti bolsa qayturghan jawabida genféng shirkitining özlirini awistiraliyediki minadin litiy bilen teminleydighanliqini, hazirche Uyghur élidiki ish pilanliri heqqide özlirige xewer bermigenlikini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.