Хитайниң йәркән наһийәси җайтерәк кәнттики 1800 аһалини шу кәнттики карханида ишлитиватқанлиқи ашкарланди

Мухбиримиз әркин
2021-08-27
Share

Хитай даирилири уйғурларни мәҗбурий әмгәккә селиш билән әйиблиниватқан, хитай мәһсулатлириниң америкаға импорт қилиниши чәкләнгән бир вақитта, йәркән наһийәсиниң җайтерәк кәнтидики 1800 аһалиниң шу кәнттики карханиларда ишлитиватқанлиқи ашкарланди.

Хитай таратқулириниң хәвәр қилишичә, уйғур аптоном районлуқ парткомниң секритари чен чүәнго 26-авғуст йәркән наһийәсини көздин кәчүргәндә, бу кәнтниму көздин кәчүрүп, кишилик һоқуқ тәшкилатлири тәрипидин мәҗбури әмгәк, дәп әйиблинип келиватқан "намратлиқтин қутқузуш" намики бу хил ишқа орунлаштуруш шәклини техму күчәйтишни тәкитлигән.

Хитай һөкүмити 2017-йили башланған чоң тутқун билән тәң бир тәрәптин уйғур деһқанлирини "ешинчә әмгәк күчи" намида башқа җайларға йөткисә, йәнә бир тәрәптин "җайида ишқа орунлаштуруш" намида йеза-кәтләргә кархананиларни қуруп, қәп қалғанларни бу карханиларда ишләшкә мәҗбурлиған. Чәт әл мутәхәсисслири хитайниң бу арқилиқ уйғур нупусини тарқақлаштурушни мәқсәт қиливатқанлиқини илгири сүргән.

"шинҗаң гезити" ниң ашкарлишичә, нөвәттә йәркән наһийәсиниң йәркән коча башқармисиға қарашлиқ җайтерәк кәнтидики 1800 нәпәр аталмиш "ешинчә әмгәк күчи" өйиниң алдида ишқа орунлишишни ишқа ‍ашурған.

Буниң мәзкур кәнттики аһалиларниң қанчә пирсәнтини тәшкил қилиғанлиқи мәлум әмәс. Хәвәрдә чен чүәнгониң йәнә йәркән наһийәсидики ишләпчиқириш бағчисини көздин кәчүрүп, "әмгәк зичлиқи юқури ‍игиликни зор күч билән тәрәққий қилдуруш вә өз җайида ишқа орунлишишни техиму илгири сүрүш" ни тәләп қилғанлиқини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт