Xitayning yerken nahiyesi jaytérek kenttiki 1800 ahalini shu kenttiki karxanida ishlitiwatqanliqi ashkarlandi

Muxbirimiz erkin
2021-08-27
Share

Xitay da'iriliri Uyghurlarni mejburiy emgekke sélish bilen eyibliniwatqan, xitay mehsulatlirining amérikagha import qilinishi cheklen'gen bir waqitta, yerken nahiyesining jaytérek kentidiki 1800 ahalining shu kenttiki karxanilarda ishlitiwatqanliqi ashkarlandi.

Xitay taratqulirining xewer qilishiche, Uyghur aptonom rayonluq partkomning sékritari chén chüen'go 26-awghust yerken nahiyesini közdin kechürgende, bu kentnimu közdin kechürüp, kishilik hoquq teshkilatliri teripidin mejburi emgek, dep eyiblinip kéliwatqan "Namratliqtin qutquzush" namiki bu xil ishqa orunlashturush sheklini téxmu kücheytishni tekitligen.

Xitay hökümiti 2017-yili bashlan'ghan chong tutqun bilen teng bir tereptin Uyghur déhqanlirini "Éshinche emgek küchi" namida bashqa jaylargha yötkise, yene bir tereptin "Jayida ishqa orunlashturush" namida yéza-ketlerge karxananilarni qurup, qep qalghanlarni bu karxanilarda ishleshke mejburlighan. Chet el mutexesissliri xitayning bu arqiliq Uyghur nupusini tarqaqlashturushni meqset qiliwatqanliqini ilgiri sürgen.

"Shinjang géziti" ning ashkarlishiche, nöwette yerken nahiyesining yerken kocha bashqarmisigha qarashliq jaytérek kentidiki 1800 neper atalmish "Éshinche emgek küchi" öyining aldida ishqa orunlishishni ishqa ‍ashurghan.

Buning mezkur kenttiki ahalilarning qanche pirsentini teshkil qilighanliqi melum emes. Xewerde chén chüen'goning yene yerken nahiyesidiki ishlepchiqirish baghchisini közdin kechürüp, "Emgek zichliqi yuquri ‍igilikni zor küch bilen tereqqiy qildurush we öz jayida ishqa orunlishishni téximu ilgiri sürüsh" ni telep qilghanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet