Америка вә униң шериклири уйғур мәҗбурий әмгикини чәкләштә техиму көп тәдбирләрни елишқа чақирилди

Мухбиримиз әркин
2021-08-27
Share

Америкидики "ташқий мунасивәтләр кеңиши" ниң торида 26-авғуст елан қилинған бир мақалидә, америка вә униң шериклириниң уйғур мәҗбурий әмгикини чәкләштә техиму көп тәдбирләрни елиши тәләп қилинған. Мақалидә ейтилишичә, "шинҗаңдики қилмишларниң көлими вә даириси техиму кәң даирилик мәсилә болған мәҗбурий әмгәккә инкас қозғашқа түрткә болған, шундақла дөләтләрни мәҗбурий әмгәк билән хәлқара содиниң чоңқур алақисини һесапқа елишқа мәҗбур қилған.

Бирақ мақалидә техиму көп ишларни қилишқа, американиң дуня миқясида мәҗурий әмгәккә қарши туруш ‍иқтидарини заманивийлаштурушқа тоғра келидиғанлиқи тәкитләнгән. "хитайниң шинҗаңда мәҗбурий әмгәк билән шуғуллинишиға қаритилған ойғиниш чақириқи дуняға аңландиму?" мавзулуқ мәзкур мақалини америка таможна вә чегр қоғдаш идарисиниң сабиқ муавин ярдәмчи комиссари бранда брокман смис қәләмгә ‍алған.

У әмгәкниң сүйиистемал қилинишини кәлтүрүп чиқарған сәвәб вә униң тәсирлирини сода шериклириниң бир тәрәплимилик һәркити билән һәл қилғили болмайдиғанлиқи, буни кәң даирилик йәр шари истиратигийәсиниң ичигә йәрләштүрүшни, шундақла мәҗбурий әмгәк мәһсулатлирини чәкләш вастилирини заманивийлаштуруш керәкликини билдүргән.

Униң ейтишичә, америка вә дунядики башқа дөләтләр мәҗбурий әмгәк мәһсулатлирини тохтитиш үчүн американиң таможна тутуп қелиш буйруқи механизимини ‍өз ичигә алған дуняниң һәр қайси җайлирида бу җәһәттики чәкләш вастилирини заманивийлаштуруш ‍үчүн техиму көп ишларни қилиш керәк икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт