Amérika we uning shérikliri Uyghur mejburiy emgikini chekleshte téximu köp tedbirlerni élishqa chaqirildi

Muxbirimiz erkin
2021-08-27
Share

Amérikidiki "Tashqiy munasiwetler kéngishi" ning torida 26-awghust élan qilin'ghan bir maqalide, amérika we uning shériklirining Uyghur mejburiy emgikini chekleshte téximu köp tedbirlerni élishi telep qilin'ghan. Maqalide éytilishiche, "Shinjangdiki qilmishlarning kölimi we da'irisi téximu keng da'irilik mesile bolghan mejburiy emgekke inkas qozghashqa türtke bolghan, shundaqla döletlerni mejburiy emgek bilen xelq'ara sodining chongqur alaqisini hésapqa élishqa mejbur qilghan.

Biraq maqalide téximu köp ishlarni qilishqa, amérikaning dunya miqyasida mejuriy emgekke qarshi turush ‍iqtidarini zamaniwiylashturushqa toghra kélidighanliqi tekitlen'gen. "Xitayning shinjangda mejburiy emgek bilen shughullinishigha qaritilghan oyghinish chaqiriqi dunyagha anglandimu?" mawzuluq mezkur maqalini amérika tamozhna we chégr qoghdash idarisining sabiq mu'awin yardemchi komissari branda brokman smis qelemge ‍alghan.

U emgekning süyi'istémal qilinishini keltürüp chiqarghan seweb we uning tesirlirini soda shériklirining bir tereplimilik herkiti bilen hel qilghili bolmaydighanliqi, buni keng da'irilik yer shari istiratigiyesining ichige yerleshtürüshni, shundaqla mejburiy emgek mehsulatlirini cheklesh wastilirini zamaniwiylashturush kéreklikini bildürgen.

Uning éytishiche, amérika we dunyadiki bashqa döletler mejburiy emgek mehsulatlirini toxtitish üchün amérikaning tamozhna tutup qélish buyruqi méxanizimini ‍öz ichige alghan dunyaning her qaysi jaylirida bu jehettiki cheklesh wastilirini zamaniwiylashturush ‍üchün téximu köp ishlarni qilish kérek iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet