Xitay hökümiti amérikaning mejburiy emgekke chétishliq yoruqluq wolt mehsulatini tutup qalghanliqigha naraziliq bildürgen

Muxbirimiz jewlan
2021-09-22
Share

"Xitay xewerliri tori" ning 22-séntebirdiki xewiridin melum bolushiche, amérika tamozhna we chégra qoghdash idarisi xitay jinké énirgiye cheklik shirkitining bir qisim quyash énirgiyesi taxtisigha ishlitilgen xam eshyasini Uyghur rayonidiki mejburiy emgkke chétishliq dep qarap tutup qalghandin kéyin, xitay hökümiti buninggha naraziliq bildürgen.

Xitay tashqiy ishlar ministirlikining bayanatchisi jaw lijyen 22-séntebir söz qilip: "Amérikaning bu qilmishi shinjangning tereqqiyatigha yene buzghunchiliq qilghanliq, xelq'ara ishlepchiqirish linyesi we teminlesh liniyesige dexli qilghanliq, yer shari kélimat özgirishige taqabil turush tirishchanliqini bikar qilghanliq," dep eybligen. U yene mejburiy emgek mesilisini inkar qilghan hemde amérikani "Xataliqini tüzitip", xitay karxanilirini ziyan'gha uchritishtin toxtashqa chaqirghan.

Analizchilarning qarishiche, amérika prézidénti jow baydén amérikaning yéngi énirgiye qurulushi pilanini otturigha qoyghandin kéyin, amérikaning quyash énirgiyesi taxtisigha bolghan éhtiyaji ashidiken, xitay karxaniliri bu pursetni közlep kelgen bolup, bu qétim mejburiy emgekke chétishliq yoruqluq wolt mehsulatining, yeni quyash énirgiye taxtisining tutup qélinishi xitayning amérikadin kütidighan bu menpe'etige urulghan chong zerbe hésablinidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet