Mejburi emgek endishilirige qarimay xitayning Uyghur élidin yawropa ittipaqigha qilghan éksporti bir hessidin artuq köpeygen

2022.09.23
Share on WhatsApp
Share on WhatsApp

Gherb döletlirining ‍uyghur rayonidki mejburiy emgekke bolghan endilishirige qarimay, xitayning Uyghur élidin yawropa itttipaqi döletlirige qilghan mehsulat éksporti bir hessidin artuq köpeygen.

“Jenubiy xitay etigenlik pochtisi” gézitining xitay tamozhna sanliq melumatliridin neqil keltürüshiche, xitayning bu yil 8-ayda Uyghur élidin biwaste yawropa ittipaqi döletlirige yollighan mehsulati ötken yilning oxshash mezgilidikidin 136.2 Pirsent artqan. Xewerde xitayning bir ay ichide Uyghur élidin biwaste yawropa ittipaqidiki 27 döletke yollighan mehsulatlirining 137 milyon 700 ming dollargha yetkenlikini bildürgen.

Xitayning bu sanliq melumati yawropa komissiyesining ötken hepte “Mejburiy emgek mehsulatlirini cheklesh qanuni” ni otturigha qoyushining arqisidinla élan qilin'ghan, lékin yawropa komissiyesining bu qanun layihesi bezi yawropa parlamént ezaliri teripidin Uyghur mejburiy emgek mehsulatlirini chekleshte yéterlik emes, dep qaralghan. Yawropa parlaméntining ezasi, gérmaniyelik siyasiyon réyinhart bütüküfér, bu qanunning Uyghurlar chékiwatqan azablarni tügitishke “Yardimi tégishidin guman qilidighanliqi” ni éytqan idi. “Jenubiy xitay etigenlik pochtisi” ning éytishiche, éksport miqdaridiki artish yawropaning mejburi emgek mehsulatlirini cheklesh tedbirlirige qarita su'al peyda qilghan.

Xewerde yene xitayning Uyghur élidin éksport qilghan mehsulatlirining ichide lityum-iyon batariyesining 600 pirsent artqanliqi, shuning bilen bir waqitta quyash énirgiye batariyelirinimu ékisport qilin'ghanliqi, bu ikki mehsulatning gérmaniyege eng köp yollan'ghanliqi körsitilgen. Xewerde éytilishiche, omumiy éksport mehsulati jehette bélgiye xitayning eng chong xéridari bolghan. Uninggha éksport qilin'ghan mehsulat 34 milyon 800 ming dollargha yétip, ‍ötken yilning oxshash mezgilidikidin 410 pirsenttin artuq artqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.