Америка ширкитиниң хитайдики завутлирида уйғур мәҗбурий әмгәкчилири барлиқи ашкариланди

Мухбиримиз ирадә
2021-10-07
Share

Ройـтерс агентлиқиниң 7-өктәбир елан қилған мәхсус хәвәрдин мәлум болушичә, америкадики тезгинәк ясап сатидиған "универсал иликторон мәһсулатлири" (Universal Electronics) ширкити йүзлигән уйғур ишчисини хитайниң җәнубидики чинҗов шәһиригә җайлашқан завутида ишләшкә йөткәш һәққидә уйғур ели даирилири билән келишим түзгән. Мәзкур ширкәтниң буни өзи ройтерс агентлиқиға дәлиллигән болуп, бу америка ширкитиниң мәҗбурий әмгәккә четилғанлиқиға аит тунҗи дәлилләнгән вәқә икән.

Мәлум болушичә, бу тезгинәк шеркити соний, самсуң вә микрософт, LG қатарлиқ хәлқаралиқ телевизор вә техника ширкәтлирини тезгинәк билән тәминләйдиған ширкәт болуп, уларниң аз дегәндә 400 нәпәр уйғур ишчини яллиғанлиқи вә бу ишчиларниң хотән шәһиридин кәлгәнлики ашкариланған.

"унверсал иликторон мәһсулатлири" ширкитиниң ройтерс агентлиқиға дәп беришичә, ширкәтниң чинҗовдики завутида һазир 365 нәпәр уйғур ишчиси ишләйдикән. Бирақ ширкәт бу уйғур ишчиларниң башқа хитай ишчиларға охшаш муамилидин бәһриман болидиғанлиқини, уларға мәҗбурий әмгәкчи қатарида муамилә қилинмайдиғанлиқини илгири сүргән.

Һалбуки, чинҗув вә уйғур районидики йәрлик әмәлдарларниң сөзлири һәмдә һөкүмәт уқтуруши вә йәрлик таратқуларниң хәвиридин ашкарилинишичә, бу уйғур ишчилар хотән шәһиридин ченҗудики завутқа сақчиларниң башқурушида айропилан арқилиқ йөткәлгән вә йөткәш һәққини уйғур районлуқ һөкүмәт даирилири төлигән икән. 2020-Йили 2-айда чинҗов сақчисиниң иҗтимаий алақә һесабатиға йолланған уқтуруштиму буниң растлиқи испатланған.

Чинҗов шәһириниң һөкүмәт уқтуруши вә йәрликтики дөләт таратқулирида елан қилинған бир қисим хәвәрләрдинму бу завуттики уйғур ишчиларниң давамлиқ сақчиларниң назарити астида ишләйдиғанлиқи мәлум болған болуп, мәзкур хәвәр елан қилинғандин кейин зор инкас қозғиди.

Хитай ташқий ишлар министирлиқи ройтерс агентлиқиниң бу һәқтики зиярәт тәлипини рәт қилиш билән биргә, уйғурларға мәҗбурий әмгәк сиясити йүргүзиватқанлиқини инкар қилған. Америка ташқий ишлар министирлиқи әгәр шундақ болған тәқдирдә, буниң американиң мәҗбурий әмгәк вә адәм әткәсчиликигә мунасивәтлик қанунлириға хилап икәнликини билдүргән. Уйғур аптоном районлуқ һөкүмәт буниңға техи инкас қайтурмиған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт