Amérika dölet mejlisining ezaliri NBA tenheriketchilirini Uyghur éli paxtisidin yasalghan tenheriket kiyimlirini kiymeslikke chaqirdi

Muxbirimiz irade
2021-10-21
Share

Amérika dölet mejlisining ezaliri amérika bazirigha Uyghur élidiki mejburiy emgekke chétilghan paxta mehsulatlirining kirmeslikige kapaletlik qilishni yene bir qétim telep qildi.

Amérika dölet mejlisi xitay ishliri komitétining re'isi kéngesh palata ezasi jéf mérkléy we mu'awin re'isi awam palata ezasi jéymis makgowérn 20-öktebir küni amérikaning tamozhna we chégra qoghdash idarisi (CBP) ning muweqqet bashliqi troy millérgha xet yézip, uningdin Uyghur élining paxtisini ishlitiwatqan shirketlerning mallirining amérika bazirigha import qilinish ehwalini sürüshtürgen.

Ular yazghan mektubida bolupmu hazirqidek amérika waskitbol birleshmisi "NBA" ning musabiqiliri bashlinish aldida turuwatqan mushundaq bir peytte, tamozhna idarisining bu jehettiki hoshyarliqini östürüshi kéreklikini tekitligen. Chünki NBA tenheriketchilirining xitaydiki Uyghur mejburiy emgikige chétishliq bolghan paxtini ishlitidighan "Anta", "Choqqa" we li-ning" qatarliq netnerbiye kiyim markiliri bilen hemkarliqi bar iken.

Dölet mejlis ezaliri tamozhna idarisigha yene mushu xildiki shirketlerning toluq tizimlikinimu ewetken. Mezkur xetke yene kéngesh palata ezasi marko rubiyo, awam palata ezasi kiristofér simismu qol qoyghan.

Melum bolushiche, yuqiriqi dölet mejlisi ezaliri yéqinda yene amérika döletlik waskibolchilar jem'iyiti (NBPA) gimu xet yézip, NBA waskitbolchilirining bu tenterbiye kiyim shirketliri bilen tüzgen toxtamini ayaqlashturushqa chaqirghan iken.

NBA Waskitbolchilirining Uyghur mejburiy emgiki asasidiki paxtigha chétilip qélishi diqqet qozghawatqan bir peytte, amérikadiki boston kélitliqlar komandisi waskitbolchisi enes kanter tibetlerni qollap ipade bildürgen. U xitay dölet re'isi shi jinpingni "Zalim diktator shi jinping" dep turup qilghan sözide "Tibetlerge erkinlik, tibet tibetlerning, ularning erkinlikini qayturup béringlar," dep söz qilghan.

Uning tiwittér arqiliq tarqatqan bu sözi zor ghulghula qozghighan. Tibetler we kishilik hoquq terepdarlirining alqishigha érishken. Halbuki, xitayning ténsént shirkiti derhal uning komandisining nyu-york nikis komandisi bilen oynaydighan musabiqisining tarqitilishini toxtatqan. Uning bu herikiti bilen NBA bilen xitay arisida yene soghuqchiliq bashlaydighanliqi mölcherlenmektiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet