Yawropa ittipaqining Uyghur jaza lagérlirigha chétishliq xitay karxanisining mehsulatlirini ishlitishi ghulghula qozghidi

Muxbirimiz erkin
2020-10-27
Share

Yawropa ittipaqining Uyghur jaza lagérlirigha chétishliq bir xitay téxnika shirkitining mehsulatlirini ishletlkenliki ashkarlinip, ghulghula qozghidi.

"Gérmaniye dolqunliri" radiyosining ashkarlishiche, yawropa ittipaqi korona wirusi yuqumigha qarshi xitayning xeykang téxnologiye shérkiti ishlepchiqarghan issiqliqni sézish kaméralirini ishletmekte iken. Xewerde bu kaméralarning yawropa parlaménti we yawropa komissiyesining binalirigha ornitilghanliqi, uning bilen binagha kirgüchilerning beden témpératurisi tekshürülidighanliqi ilgiri sürülgen.

Amérika hökümiti xeykang shérkitining Uyghur ilidiki kishilik hoquq depsendichilikige ishtirak qilghanliqi seweblik ötken yili uning mehsulatlirini chekligen. Xewerde tekitlishiche, yawropa ittipaqining bu kaméralarni ishlitishi xitay kishilik hoquq xatirisini qattiq tenqid qilip kéliwatqan bu organning siyasitige zit iken. Yawropa komissiyesining prézidénti ursula fon dér léyén téxi bu yil 6-ayda xitay bilen "Kishilik hoquq we tüp erkinlik mesiliside muresse qilmaydighanliqi" ni bildurgen.

Yawropa kéngishining prézidénti charlis mishel ötken ay b d t ning yighinida "Biz kishilik hoquqqa hörmet qilishni algha sürüshtin toxtap qalmaymiz. Bu Uyghurlardek az sanliq milletlernimu öz ichige alidu," dégen. "Gérmaniye dolqunliri" ning bildürüshiche, yawropa parlaméntining ezasi, gérmaniyelik siyasiyon réynhard bütikofér xeykaning mehsulatlirini ishlitishning "Kishini qattiq bi'aram qilidighanliqi" ni bildürgen. Uning tekitlishiche, bu weqe eswap sétiwélishtiki "Nomus qilarliq kamchilliq" ni ashkarlap bergen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet