Rubi'o qatarliqlar xelq'ara maliye tereqqiyat orginidin Uyghur mejburiy emgikige chétishliq quyash énérgiye taxtilirini sorighan

Muxbirimiz erkin
2021-11-05
Share

Amérika kéngesh palatasining marku rubi'oni öz ‍ichige alghan 6 neper jumhuriyetchi ezasi amérika xelq'ara maliye tereqqiyat orginining bashliqigha xet yézip, ularning Uyghur mejburiy emgikige chétishliq quyash énérgiye taxtilirini sétiwalghan-sétiwalmighanliqi heqqide jawab bérishni telep qilghan. 4-Noyabir küni ewetilgen bu xette, "Amérikaning irqiy qirghinchiliq we mejburiy emgekke shérik bolup qalmasliqigha kapaletlik qilish dölet mejlisining halqiliq muhim wezipisi" ikenliki tekitlen'gen.

Xette körsitilishiche, mana bu néme üchün "Kéngesh palatasining 7-ayda Uyghur mejburiy emgikining aldini élish qanunini birdek maqullishi, shundaqla awam palatasining ötken yili buninggha oxshash bir qanun layihesini mutleq köp awaz bilen maqullishining sewebi" iken. Bu xet amérika xelq'ara maliye tereqqiyat orginining muweqqet ijra'iye diréktori déw jagadérsan'gha yézilghan bolup, uninggha marku rubi'o, sam tillis, rik skot, marsha blekborin, bén sasé, jeriy moran qatarliqlar imza qoyghan.

Xette, baydén hökümitining xitayning Uyghurlargha tutqun mu'amilisini "Irqiy qirghinchiliq", "Insanliqqa qarshi jinayet" dep békitkenliki eskertilip, mezkur organ quyash énérgiye téxnikisi shirketlirini meblegh bilen teminleshte baj tapshurghuchilarning pulining sh u a r yaki xitayning herqandaq jayidiki krimniy métali yaki köp kristalliq krimnéyni öz ‍ichige alghan mejburiy emgek mehsulatlirigha chétilip qalmasliqigha qandaq kapaletlik qiliwatqanliqi, buninggha qarita qandaq tedbirlerni éliwatqanliqigha chüshünche bérishi telep qilin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet