Шиветсийәниң ериксон ширкити уйғур мәҗбурий әмгикигә четишлиқ, дәп әйибләнгән

Мухбиримиз әркин
2021-11-09
Share

Йеңи ашкариланған дәлилләр шиветсийә тор вә телефон ширкити-ериксонниң уйғурларни мәҗбурий әмгәккә селиш билән әйиблиниватқан бир хитай ширкити билән сода-алақиси барлиқини көрситип бәргән. Шиветсийәдики "готтенбург тиднинген" намлиқ гезитниң билдүрүшичә, мәзкур гезит ериксонниң уйғурларни мәҗбурий қул әмгикигә селиватқан вухәндики бир хитай ширкити билән болған сода алақисигә аит һөҗҗәтләрни ашкарилиған.

Хәвәрдә, бу хитай ширкитиниң исми тилған елинмиған болсиму, бирақ австралийә истратегийәлик сиясәт институти 2020-йили елан қилған доклатида буниң 105 нәпәр уйғурни мәҗбурий әмгәккә селиватқан ширкәтниң дәл өзи икәнликини тәкитлигән. Австралийә тәтқиқат орни өз доклатида, 2018-йили 5-айда керийәдин 105 нәпәр уйғурниң вухәндики "йихоң инчикиләп ишләпчиқириш чәклик ширкити" гә мәҗбурий йөткәп келингәнликини билдүргән. Бу доклат охшашла H&Mнамлиқ шиветсийә ширкитиниңму бу кархана билән сода алақиси барлиқини ашкарилиған. Бирақ H&Mбу ширкәт билән алақисини үзгәнликини җакарлиғаниди.

Хәвәрдә қәйт қилинишичә, бу карханидики уйғурларға мааш берилсиму, бирақ уларниң башқа җәһәттики шараити қуллардин пәрқләнмәйдикән. Хәвәрдә уларниң чоң залда ухлайдиғанлиқи, сиртқа чиқишиға рухсәт қилинмайдиғанлиқи, уларниң изчил назарәт астида тутулуп, җисманий җазаға учрайдиғанлиқи, шундақла уларға кәчтә "идеологийәлик тәрбийәси" елип берилидиғанлиқи тәкитләнгән. Хәвәрдә ейтилишичә, ериксон ширкити "готтенбург тиднинген" ға әвәткән язма инкасида, бу ширкәт билән һазир алақиси барлиқини рәт қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт