Уйғур мәҗбурий әмгикигә четишлиқ чәт әл ширкәтләрниң хитайдики пайдиси төвәнлигән

Мухбиримиз нуриман
2021-11-11
Share

"күндилик чақириқ гезити" (Daily Caller) ниң хәвәр қилишичә, 3-айдин буян чәт әлләрдики истемалчилар уйғур районидики кишилик һоқуқ дәпсәндичиликигә четишлиқ дәп қаралған адидас ширкитиниң мәһсулатлирини байқут қилған иди. Буниң нәтиҗисидә адидас ширкитиниң хитайдики пайдиси шиддәт билән төвәнлигән.

Адидас ширкити бу йилниң үчинчи пәсилидә хитай чоң қуруқлуқи, тәйвән вә хоңкоңдин кәлгән кириминиң 15 пирсәнт төвәнлигәнликини доклат қилған. "вал-ситрет журнили" гезитиниң хәвиригә қариғанда, бу йилниң иккинчи пәсилидә адидас шикитиниң хитайдин келидиған пайдисида 16 пирсәнт төвәнләш болған.

Мәлум болушичә, нурғун чәт әл ширкәтлири йәнила хитай базириға бағлинип қалған бир вақитта, H&M ширкити уйғур мәҗбурий әмгикигә четлип қалмаслиқ үчүн 2020-йили уйғур районидин чекинип чиққан. "вал-ситрет журнили" гезитиниң хәвиригә қариғанда, адидас вә найки ширкити уйғур районида ишләпчиқирлиған пахта мәһсулатлирини ишлтишни йәнила давам қилған.

Америка кеңәш палатаси бу йил 7-айда "уйғур мәҗбурий әмгикниң алдини елиш қанун лайиһәси" ни мақуллиған иди. Америка тәрәп мәзкур қанун лайиһәсини мақуллаш арқилиқ уйғур районида ишләпчиқирилған, мәҗбурий әмгәккә четишлиқ болуш еһтималлиқи болған мәһсулатларниң америка базириға керишини чәклигән иди.

Америка кеңәш палатасиниң әзалири бу тәдбирләр арқилиқ хитайниң кишилик һоқуқ дәпсәндичиликигә четилидиған ишләпчиқириш зәнҗирини американиң мәблиғи билән тәминлимәсликигә капаләтлик қилишни тәкитлигән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт