Uyghur mejburiy emgikige chétishliq chet el shirketlerning xitaydiki paydisi töwenligen

Muxbirimiz nur'iman
2021-11-11
Share

"Kündilik chaqiriq géziti" (Daily Caller) ning xewer qilishiche, 3-aydin buyan chet ellerdiki istémalchilar Uyghur rayonidiki kishilik hoquq depsendichilikige chétishliq dep qaralghan adidas shirkitining mehsulatlirini bayqut qilghan idi. Buning netijiside adidas shirkitining xitaydiki paydisi shiddet bilen töwenligen.

Adidas shirkiti bu yilning üchinchi pesilide xitay chong quruqluqi, teywen we xongkongdin kelgen kirimining 15 pirsent töwenligenlikini doklat qilghan. "Wal-sitrét zhurnili" gézitining xewirige qarighanda, bu yilning ikkinchi pesilide adidas shikitining xitaydin kélidighan paydisida 16 pirsent töwenlesh bolghan.

Melum bolushiche, nurghun chet el shirketliri yenila xitay bazirigha baghlinip qalghan bir waqitta, H&M shirkiti Uyghur mejburiy emgikige chétlip qalmasliq üchün 2020-yili Uyghur rayonidin chékinip chiqqan. "Wal-sitrét zhurnili" gézitining xewirige qarighanda, adidas we nayki shirkiti Uyghur rayonida ishlepchiqirlighan paxta mehsulatlirini ishltishni yenila dawam qilghan.

Amérika kéngesh palatasi bu yil 7-ayda "Uyghur mejburiy emgikning aldini élish qanun layihesi" ni maqullighan idi. Amérika terep mezkur qanun layihesini maqullash arqiliq Uyghur rayonida ishlepchiqirilghan, mejburiy emgekke chétishliq bolush éhtimalliqi bolghan mehsulatlarning amérika bazirigha kérishini chekligen idi.

Amérika kéngesh palatasining ezaliri bu tedbirler arqiliq xitayning kishilik hoquq depsendichilikige chétilidighan ishlepchiqirish zenjirini amérikaning meblighi bilen teminlimeslikige kapaletlik qilishni tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet