Kanada hökümiti xitayning bir qisim mallirini mejburiy emgek sewebidin musadire qildi

Muxbirimiz eziz
2021-11-17
Share

Yéqinda kanada tamozhnisi xitaydin import qilin'ghan bir türküm mallarni "Mejburiy emgek bilen baghlinishliq" dégen eyib sewebidin musadire qildi. Bu kanada hökümitining bu sahediki tunji qétimliq qattiq tedbir élishi hésablinidiken.

"Yershari we pochta" gézitining 15-noyabirdiki xewiride éytilishiche, xitay hökümitining Uyghur diyaridiki mejburiy emgek qilmishi 2021-yilining béshidin tartip kanada chégra mudapi'e sahesige melum bolghan bolsimu, hazirghiche xitaydin import qilin'ghan héchqandaq tawar musadire qilinmighan iken. Kanada chégra mudapi'e idarisining bayanatchisi rébekke purdiy bu heqte muxbirlarning so'allirigha jawab bérip, bu qétim musadire qilin'ghan tawarlarning ayallar we balilar kiyimliri ikenlikini, ularning "Pütünley yaki qismen halda mejburiy emgek arqiliq ishlen'gen tawarlar ikenlikini" bildürgen.

Xewerde éytilishiche, nöwette xitaydiki mejburiy emgekning asasliq qurbanliri Uyghurlar bolup, Uyghur diyaridiki paxta mehsulatliri buningda muhim rol oynimaqta iken. Yene Uyghur diyaridin chiqidighan pemidur mehsulatlirimu mejburiy emgekke éghir derijide chétishliq iken.

Kanada hökümitining bu qétimqi mejburiy emgekke chétishliq mehsulatlarni musadire qilishi herqaysi hökümet ezalirini köp xursen qilghan. Ular buni qizghin alqishlash bilen birge kanada hökümitini bu jehette téximu qattiq we emeliy bolghan charilerni ishqa sélishqa dewet qilghan. Nöwettiki erkinlik partiyesining ezaliridin semir zubeyri bu heqte söz qilip ؛ "Kanada hökümiti bu xildiki mejburiy emgek mehsulatlirining kanada bazirigha kirishige héchqandaq yochuq qaldurmasliqi lazim" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet