Ақсу тоқумичилиқ саһәси 15 милярд сомлуқ мал тохтами түзгән

Мухбиримиз әзиз
2021-11-19
Share

"ақсу гезити" ниң 18-ноябирдики хәвиридә ейтилишичә, ақсу тоқумичилиқ санаити шәһири (тәрәққият райони) йеқинда содигәр чақириш мурасими өткүзгән һәмдә хитай өлкилиридики җеҗяң өлкиси, гуаңҗу вә шаңхәй шәһәрлиридики тоқумичилиқ саһәси билән үч чоң тохтам имзалиған. Бу тохтамларниң омумий қиммити 15 милярд сом (тәхминән 2. 35 Милярд америка доллири) қиммитидә болуп асаслиқи кийим-кечәкләргә лазимлиқ рәхт тоқумичилиқи вә үскүнә ясаш саһәсигә четилидикән.

Хәвәрдә ейтилишичә, бу ақсу вилайитиниң тарихидики бәкму зор соммилиқ бир қетимлиқ мал тохтами имзалаш болуп, вилайәт рәһбәрлири толуқ қатнашқан. Хәвәрдә буниң ақсу вилайитиниң тоқумичилиқ саһәсини гүлләндүрүштә зор әһмийәткә игә икәнлики алаһидә тәкитләнгән.

Һалбуки өткән бирнәччә йилда уйғур дияридики ирқий қирғинчилиқниң бир муһим мәзмуни сүпитидә мәҗбурий әмгәкниң бәкму кәң дәриҗидә омумлишиватқанлиқи, хитайниң асаслиқ пахта базиси болған уйғур диярида уйғур деһқанлири "ошуқчә әмгәк күчини ишқа орунлаштуруш" дегән намда һәрқайси җайлардин йөткилип тоқумичилиқ вә кийим-кечәк завутлирида мәҗбурий әмгәккә селиниватқанлиқи көпләп мәлум болғаниди. Бу ғайәт зор соммилиқ тоқумичилиқ тохтами нөвәттә бу хилдики зор көләмлик әмгәккә даир бәзи реаллиқни паш қилған, дәп қариливатқанлиқи мәлум. Вашингтон шәһиридики "коммунизм қурбанлири хатирә фонди" ниң тәтқиқатчиси доктур адрян зенз бу һәқтики раийо зияритимиз җәрянида "хитай һөкүмити һазир уйғур районини әң чоң пахта базиси вә тоқумичилиқ базисиға айландурушқа күч сәрп қиливатиду. Чүнки бу җайда буниңға керәклик хам әшя вә әмгәк күчи йетәрлик дәриҗидә мәвҗут" дегәниди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт