Җеймис мәкговерин: “‛уйғур мәҗбурий әмгикиниң алдини елиш қанун лайиһәси‚ ни пат йеқинда президент байдинға йоллаймиз!”

Мухбиримиз әзиз
2021-12-14
Share

Америка дөләт мәҗлисидә музакирә қилиниватқан “уйғур мәҗбурий әмгикиниң алдини елиш қанун лһйиһәси” ни авазға қоюш басқучи ахирлашқан болуп, америка кеңәш палатаси вә авам палатаси бирдәк мутләқ үстүн аваз билә уни мақуллиған иди. Бу қанун лайиһәсиниң қанунға айлинишидики йәнә бир муһим қәдәм икки палата әзалириниң буни музакирә қилиш басқучи җиддий давам қиливатқан болуп, бу җәрянда икки тәрәпниң бу һәқтики пикирлири кеңәш арқилиқ бир йәргә җәм қилинидикән.

14-Декабир күни авам палата әзаси, америка дөләт мәҗлиси қармиқидики хитай ишлири иҗраийә комитетиниң рәислиридин җеймис мәкговерн әпәнди өзиниң тиветтер бетидә учур йоллап: “шуни хошаллиқ билән мәлум қилимәнки, марко рубийо әпәнди билән иккимиз ‛уйғур мәҗбурий әмгикиниң алдини елиш қанун лайиһәси‚ ниң ахириқи нусхасида пикир бирлики һасил қилдуқ. Биз пат йеқинда буни президент байденниң үстилигә қойимиз,” дегән.

Американиң қанун чиқириш тәртипи бойичә, мәзкур қанун лайиһәсиниң авам палатаси мақуллиған нусхаси америка дөләт хәвпсизлики министирликидин уйғурларни бастурушқа җавабкар болған муәссәсәләрниң тизимликини турғузуп чиқишни тәләп қилидикән. Қанун лайиһәси икки палатаниң ахириқи музакирә басқучидин өтүп пикир ихтилаплири түгигәндин кейин, америка президентиға йоллинидикән һәмдә униң имза қоюши билән қанунға айлинидикән. Муһаҗирәттики уйғурлар болса буниң пат арида әмәлгә ешишини тәқәззалиқ билән күтмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт