Jéymis mekgowérin: “‛Uyghur mejburiy emgikining aldini élish qanun layihesi‚ ni pat yéqinda prézidént baydin'gha yollaymiz!”

Muxbirimiz eziz
2021-12-14
Share

Amérika dölet mejliside muzakire qiliniwatqan “Uyghur mejburiy emgikining aldini élish qanun lhyihesi” ni awazgha qoyush basquchi axirlashqan bolup, amérika kéngesh palatasi we awam palatasi birdek mutleq üstün awaz bile uni maqullighan idi. Bu qanun layihesining qanun'gha aylinishidiki yene bir muhim qedem ikki palata ezalirining buni muzakire qilish basquchi jiddiy dawam qiliwatqan bolup, bu jeryanda ikki terepning bu heqtiki pikirliri kéngesh arqiliq bir yerge jem qilinidiken.

14-Dékabir küni awam palata ezasi, amérika dölet mejlisi qarmiqidiki xitay ishliri ijra'iye komitétining re'isliridin jéymis mekgowérn ependi özining tiwéttér bétide uchur yollap: “Shuni xoshalliq bilen melum qilimenki, marko rubiyo ependi bilen ikkimiz ‛Uyghur mejburiy emgikining aldini élish qanun layihesi‚ ning axiriqi nusxasida pikir birliki hasil qilduq. Biz pat yéqinda buni prézidént baydénning üstilige qoyimiz,” dégen.

Amérikaning qanun chiqirish tertipi boyiche, mezkur qanun layihesining awam palatasi maqullighan nusxasi amérika dölet xewpsizliki ministirlikidin Uyghurlarni basturushqa jawabkar bolghan mu'esseselerning tizimlikini turghuzup chiqishni telep qilidiken. Qanun layihesi ikki palataning axiriqi muzakire basquchidin ötüp pikir ixtilapliri tügigendin kéyin, amérika prézidéntigha yollinidiken hemde uning imza qoyushi bilen qanun'gha aylinidiken. Muhajirettiki Uyghurlar bolsa buning pat arida emelge éshishini teqezzaliq bilen kütmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet