Американиң мудапиә қануниму һәрбийләрниң уйғур мәҗбурий ‍әмгәк мәһсулатлирини сетивелишини чәклиди

Мухбиримиз әркин
2021-12-15
Share

Америка кеңәш палатаси 15-декабир аваз берип, американиң 770 милярд долларлиқ 2022-йиллиқ мудапиә хам чот қанун лайиһәсини мақуллиған. Мәлум болушичә, мәзкур қанун лайиһәсидиму америка дөләт мудапиә министирлиқиниң уйғур елидә ишләпчиқирилған мәҗбурий әмгәк мәһсулатлирини сетивелиши чәкләнгән. Кеңәш палатаси мутләқ көп аваз билән мақуллиған бу қанун лайиһәсиниң йәнә бир вариянти шу күни авам палатасидиму мутләқ көп аваз билән мақулланған.

Президент байденниң имза қоюшиға йоллинидиған бу қанун лайиһәси мақуллинишдин бир күн аввал авам палатаси бирдәк аваз билән “уйғур мәҗбурий әмгикиниң алдини елиш қанун қанун” ниң ахирқи лайиһәсини мақуллиған.

Кеңәш палата әзаси марку рубио 14-декабир бу қанун лайиһәси авам палатасида мақулланғандин кейин қилған сөзидә, униң пат йеқинда кеңәш палатасида авазға қоюлуп, қанунға айлинидиғанлиқини ейтқаниди. Мәлум болушичә, мудапиә қанун лайиһәси дөләт мудапиә министирлиқиниң уйғур елидин кәлгән уйғур мәҗбурий әмгәк мәһсулатлирини сетивелип ишлитишини чәкләшни өз ичигә алғаникән.

Бу қанун лайиһиси йәнә америкиниң тинч окян районидики асаслиқ рәқиблиригә қарши бәлгилимиләрни, җүмлидин мәзкур районда хитайға қарши һәйвисини күчәйтишкә аит 7 милярд 100 милйон долларлиқ қошумчә хам чотниму өз ичигә алидикән. Қанун лайиһәсидә президент байденниң “хитайға алақидар “түп ‍стратегийә” түзүп чиқиши, шундақла дөләт мудапиә министирлиқиниң хитайниң технологийә вә заманивилаштурушидин тартип бихәтәрлик һәм һәрбий тәрәққиятиғичә болған һәрикәтлирини доклат қилиши тәләп қилинған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт