Amérikaning mudapi'e qanunimu herbiylerning Uyghur mejburiy ‍emgek mehsulatlirini sétiwélishini cheklidi

Muxbirimiz erkin
2021-12-15
Share

Amérika kéngesh palatasi 15-dékabir awaz bérip, amérikaning 770 milyard dollarliq 2022-yilliq mudapi'e xam chot qanun layihesini maqullighan. Melum bolushiche, mezkur qanun layihesidimu amérika dölet mudapi'e ministirliqining Uyghur élide ishlepchiqirilghan mejburiy emgek mehsulatlirini sétiwélishi cheklen'gen. Kéngesh palatasi mutleq köp awaz bilen maqullighan bu qanun layihesining yene bir wariyanti shu küni awam palatasidimu mutleq köp awaz bilen maqullan'ghan.

Prézidént baydénning imza qoyushigha yollinidighan bu qanun layihesi maqullinishdin bir kün awwal awam palatasi birdek awaz bilen “Uyghur mejburiy emgikining aldini élish qanun qanun” ning axirqi layihesini maqullighan.

Kéngesh palata ezasi marku rubi'o 14-dékabir bu qanun layihesi awam palatasida maqullan'ghandin kéyin qilghan sözide, uning pat yéqinda kéngesh palatasida awazgha qoyulup, qanun'gha aylinidighanliqini éytqanidi. Melum bolushiche, mudapi'e qanun layihesi dölet mudapi'e ministirliqining Uyghur élidin kelgen Uyghur mejburiy emgek mehsulatlirini sétiwélip ishlitishini chekleshni öz ichige alghaniken.

Bu qanun layihisi yene amérikining tinch okyan rayonidiki asasliq reqiblirige qarshi belgilimilerni, jümlidin mezkur rayonda xitaygha qarshi heywisini kücheytishke a'it 7 milyard 100 milyon dollarliq qoshumche xam chotnimu öz ichige alidiken. Qanun layiheside prézidént baydénning “Xitaygha alaqidar “Tüp ‍stratégiye” tüzüp chiqishi, shundaqla dölet mudapi'e ministirliqining xitayning téxnologiye we zamaniwilashturushidin tartip bixeterlik hem herbiy tereqqiyatighiche bolghan heriketlirini doklat qilishi telep qilin'ghan.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet