Әнглийә сода министири уйғур мәҗбурий әмгики мәһсулатлирини чәкләйдиғанлиқиниң бишаритини бәргән

Мухбиримиз әркин
2021-12-27
Share

Әнглийә сода министири пәний мордаунт әнглийәниң уйғур елидә ишләпчиқирилған мәҗбурий әмгәк мәһсулатлирини чәкләш тәдбири елиши мүмкинликидин бешарәт бәргән. “политико” йәни “сиясәт” гезитиниң хәвәр қилишичә, пәний мордаунт, американиң һәрикитидин кейин әнглийәниңму бу җәһәттә ‍илгириләп һәрикәт қоллиниши мүмкинликини ейтқан. У өзлириниң бу мәсилисини “һәр вақит көзитип туруватқанлиқи” ни билдүрүп, “мениңчә бу бошлуқни толдуридиған бәзи йеңи тәдбирләр бар. Мениң билидиғиним ташқи ишлар, ортақ гәвдә вә тәрәққият ишханиси бу ишқа интайин әстайидил қарап чиқиватиду” дегән.

“политико” гезитиниң ейтишичә, нөвәттә әнглийәдики консерватип парламент әзалири һөкүмәтни хитайниң уйғурларға тутқан муамилисигә қарита униңға қаттиқ бесим ишлитишкә қистимақтикән. Хәвәрдә, гәрчә әнглийә һөкүмити өткән йили мәҗбурий әмгәк билән четишлиқи йоқлиғини елан қилмиған ширкәтләргә җәриманә қойидиғанлиқини җакарлиған болсиму, бирақ униң һәрикити һечқандақ күчи йоқ, бюрократлиқ рәсмийәт, дәп тәнқид қилинғанлиқи билдүрүлгән.

Хәвәрдә йәнә нопузлуқ консерватип парламент әзалириниң америкаға охшаш қанун чиқиришни тәләп қиливатқанлиқи, парламент ташқи ишлар комитетиниң рәиси там тугенхәтниң әнглийә “шинҗаңдин қул әмгикидә ишләпчиқирилған мәһсулатларни сетивалмаслиқи керәк” дегәнлики тәкитләнгән. Хәвәрдә ейтилишичә, там тугенхәт йәнә “мән йеңи йилда һөкүмәтниң шинҗаң билән болған импорт-експортни тәкшүрүштә техиму көп илгириләш һасил қилишини аңлашни үмид қилимән” дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт