Австралийә заказ қилған пойизларниң уйғур мәҗбурий әмгикигә четишлиқ болуши мумкинлики илгири сүрүлмәктә

Мухбиримиз ирадә
2020-10-08
Share

Австралийәниң мелборн вә сидний шәһәрлири үчүн хитайдин заказ қилинған пойизларниң уйғур мәҗбурий әмгикигә четишлиқ болуши мумкинлики ашкариланған. Австралийә қатнаш министири андрев констанс бу хәвәрдин қаттиқ чөчүгәнликини, бу һәқтә җиддий тәкшүрүш башлиғанлиқини ейтқан.

Австралийәдә чиқидиған «сидний әтигәнлик гезити» вә «дәвр» қатарлиқ гезитләр сидней вә мелбурн шәһәрлириниң йеңи пойизлирини ясаш түри һөддигә берилгән хитай төмүр йол пайчеки һәссидарлиқ ширкити (CRRC) ниң уйғурларни мәҗбурий әмгәккә селиштин пайда еливатқан вә бу сәвәблик америка һөкүмити тәрипидин қара тизимликкә елинған ширкәт икәнликини ашкарилиған икән.

Австралийә қатнаш министири андрев констанс буниң қобул қилишқа болмайдиған бир әһваллиқини ейтип: «мән бу һәқтики хәвәрни көрүп бәкла чөчүп кәттим. Мән австралийә хәлқигә бу мәсилини җиддий тәкшүрүп, әстайидил муамилә қилидиғанлиқимиз һәққидә толуқ капаләт беримән,» дегән.

Констанс әпәнди әгәр һөкүмәт тәкшүрүшидә һәқиқәтән бу хитай ширкитиниң уйғур қатарлиқ аз санлиқ милләтләрни екиспилаттатсийә қилиш бәдилигә пайда еливатқан бир ширкәтлики ениқлинип чиққан тәқдирдә қандақ тәдбир қоллинидиғанлиқи һәққидә ениқ тохталмиған. Әмма у: «һечқандақ бир һөкүмәт мәҗбурий әмгәк асасидики мәһсулатни сетивалмаслиқи керәк, биз шу чағда әһвалға қарита мувапиқ тәдбир қоллинимиз», дегән.

Австралийә баш министири гладис береҗиклиянму 7-өктәбир күнидики баянатида өзиниң бу мәсилигә диққәт қиливатқанлиқини вә зөрүр тепилғанда һөкүмәтниң зөрүр тәдбир қоллинидиғанлиқини ейтқан.

Мәлум болушичә, сиднейниң пойизлирини ясаш вә асраш үчүн нәччә милярд долларлиқ тохтам түзүлгән болуп, уларниң бәзилири бу йилниң бешида австралийәг йетип кәлгән икән. Хитай ширкити билән тохтамлашқан довнир намлиқ ширкәтниң баянатчиси бмухбирларға: «биз бу һәқтә тәкшүрүш елип барған хитай төмүр йол пай чәк һәссидарлиқ ширкити (CRRC) уйғурларни мәҗбурий әмгәккә салидиғанлиқини рәт қилди,» дегән.

Бирақ австралийәниң бу икки шәһиридики һөкүмәт қурулушини үстигә алған ширкәт рәһбәрлири вә шәһәрлик һөкүмәт әмәлдарлириниң хитай билән болған мунасивити юқириқи пойиз вәқәси билән оттуриға чиқип күчлүк муназирә қозғимақтикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.