Amérika xitayda ishlepchiqirilghan tatliqlashturghuchilarni mejburiy emgekke chétishliq, dep cheklidi

Muxbirimiz irade
2020-10-22
Share

Amérika chégra da'iriliri 20-öktebir seyshenbe küni ichki mongghulda ishlepchiqirilghan stéwya markiliq tatliqlashturghuchilarni mejburiy emgekke chétishliq bolghanliqi üchün tutup qalghan.

"Jenubiy xitay seher pochtisi" gézitining xewiridin qarighanda, amérika tamozhna we chégra qoghdash idarisi ichki mongghuliyege jaylashqan xéngjéng guruhi bawjenjaw déhqanchiliq-sana'et we soda shirkitining mejburiy emgektin paydilinip turup, shéker ornigha ishlitilidighan dangliq markiliq tatliqlashturghuchi ishlepchiqarghanliqi heqqide özlirining toluq pakitqa ige ikenlikini, shunga bu mehsulatlarni tutup qélish we musadire qilish heqqide herqaysi portlargha telimat bérilgenlikini éytqan. Melum bolushiche, ichki mongghuldiki bu shirket pütünley xitayning dölet igilikidiki bir shirkiti iken.

Stéwya tatliqlashturghuchisi kokakola qatarliq ichimliklerni öz ichige alghan bir qatar dangliq mehsulatlarda keng ishlitilidighan mehsulat bolup, bazar analiz shirkiti "QYResearch" ning sanliq melumatlirigha qarighanda, xitay dunyadiki eng chong stéwya mehsulatlirini ishlepchiqarghuchi dölet iken.

Amérika tamozhna we chégra qoghdash idarisi soda ishxanisining ijra'iye yardemchi komissari brénda simis gézitke qilghan sözide, amérikadiki herqaysi import qilghuchi shirketlerning bu weqe bilen hoshyarliqini téximu östürüp mal teminlesh zenjirlirini téximu yaxshi tekshürüp körüshini we ularning choqum amérika hökümitining insaniyliq we exlaqiy ölchemlirige layiq bolushigha kapaletlik qilishini ümid qilidighanliqini éytqan.

Melum bolushiche, xitay eng chong teminligüchisi bolghan we xam matériyali Uyghur élide ishlepchqirilidighan quyash énérgiye taxtilirimu nöwette amérika shirketlirini jiddiyleshtürüwatqan bir mesilige aylan'ghan. Yersharidiki quyash énérgiye mehsulatlirining 80 pirsentini xitay ishlepchiqiridighan bolghachqa, amérika shirketliri uni xitay zawutliridin teminlep kelgeniken. Biraq amérika hökümitining mejburiy emgekni cheklesh tedbirliri netijiside xitaydiki teminlesh zenjirliri dawamliq hemkarlishish ishenchsiz bolup qalghan.

Amérika hökümiti Uyghurlarning mejburiy emgiki asasida ishlepchiqirilghan mehsutlatlarning amérika bazirigha kirishini cheklesh arqiliq xitay hökümitining Uyghurlarni qul emgikige sélishini tosushqa tirishmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.