Ürümchi shehiri mektep yéshigha toshmighan balilargha qarita "Ménge yuyush herikiti" qozghidi

Muxbirimiz erkin
2018-04-20
Élxet
Pikir
Share
Print

Ürümchi shehiri yéqinda "Terbiye qurulushi" namliq bir heriket bashlap, mezkur sheherdiki mektep yéshigha toshmighan pütün balilarni her küni heqsiz süt bilen teminleydighanliqini élan qilghan. Lékin yerlik ahaliler "Terbiye qurulushi" namidiki heqsiz süt tarqitish herikitining "Ménge yuyush" ni meqset qilghan "Idé'ologiyelik zeherlesh" ikenlikini ilgiri sürdi.

Ularning bildürüshiche, süt qépigha "Ah partiye, qedirlik anam" dégen qizil teshwiqat xetliri yézilghan iken. Xitay hökümet axbarat wasitilirining bu heqtiki xewerliride, da'irilerning ürümchi shehiridiki da'imiy turushluq ahalilerning yéngi tughulghan bowaqliridin tartip, 6 yashqiche bolghan balilirini her küni bir qap heqsiz süt bilen teminleydighanliqini bildürgen. Xewerlerde bayan qilishiche, ürümchi shehiridiki bezi ijtima'iy rayonlar "A'ile bashliqlirigha uqturush" élan qilip, "Terbiye qurulushi" ni teshwiq qilishqa bashlighan.

Ürümchi shehirining "Terbiye qurulushi" herikiti xitay hökümiti bir milyondek Uyghurni "Yépiq terbiyelesh lagérliri" gha solap, ularning öz medeniyiti, tarixiy, tili diniy -étiqadi we en'enisi bilen bolghan béghini ajizlitishqa urunuwatqan mezgilde yolgha qoyuldi. Amérikining muweqqet yardemchi dölet ishlar ministiri lawra iston yéqinda "Bu lagérlargha" tümenligen Uyghur we bashqa musulmanlarning qamalghanliqini bildürüp, ularni derhal qoyup bérishni telep qilghan.

Ümidwar isimlik bir yerlik Uyghur peyshenbe küni radi'omizgha qilghan sözide ürümchi shehirining "Terbiye qurulushi" namidiki balilargha heqsiz süt tarqitish herikitining "Zeherlik süt parashoki" dinmu xeterlik ikenliki, u Uyghur balilirining medeniyet en'enisi bilen alaqisini üzüp tashlashni meqset qilidighanliqini tekitligen.

Toluq bet