Qeshqerdiki ménge yuyush herikitige déhqanlarmu qatnashturulmaqta

Muxbirimiz jüme
2014-11-05
Élxet
Pikir
Share
Print

Qeshqer konasheher nahiyisi öz tewesidiki namratliq qatarliq mewjut mesililerge qarap chiqishining ornigha, atalmish "Esebiylik" ke qarishi turush üchün déhqan ressamlarni ishqa sélip teshwiqat körgezmisi uyushturghan.

Konasheher hökümet torining 4-noyabirdiki xewirige qarighanda, bu körgezme yerlik da'iriler bashlighan atalmish "Esebiylikni qomurup tashlap؛ yéngi yurt berpa qilayli" namliq siyasiy heriketning bir qismi iken.

Ilgiriki xewerlerde xitay da'irilirining atalmish "Ashqunluqni qomurup tashlash" herikitini Uyghur élining her qaysi jaylirida kölemlik élip bériwatqanliqi körsitilgen.

Xewerge qarighanda yene, nöwette nahiye miqyasida atalmish "Milliy bölgünchilik" we "Diniy esebiy idiyiler" ning singip kirishige qarshi tedbirler élin'ghan. Halbuki, mezkur "Tedbirler" ning konkrétini shekli xewerde sherhlenmigen.

Qeshqer kona sheher nahiyisi Uyghur eng zich olturaqlashqan we eng namrat nahiyelerning biri. Ötken yili dékabirda konasheher nahiyesining saybagh yézida toqunush yüz bérip, ikki neper bowaqni öz ichige alghan 16 adem étip öltürülgen.

Xitay hökümiti mezkur weqenimu atalmish "Diniy esebiy küchler" ge dönggep, weqediki jawabkarliqni bashqilargha ittergen idi.

Toluq bet