Mérkél rusiyeni qoshna döletlerge bésim qilghanliq bilen tenqid qildi

Gérmaniye bash ministiri an'géla mérkél yekshenbe küni rusiyening qoshna döletlerning ichki ishigha arilashqanliqini eyiblidi. Mérkél sözide rusiyening yawropa ittipaqi bilen bir gewde bolushqa intiliwatqan sabiq sowét ittipaqi jumhuriyetliridin gruziye, ukra'ina we moldawiyening ichki ishlirigha ariliship, ular üchün mesile peyda qiliwatqanliqini tekitlidi.

Roytérsning yézishiche, mérkél “Moldawiye, gruziye, ukra'inadin ibaret bizning sherqi qoshnimiz bolghan bu üch dölet musteqil halda yawropa ittipaqi bilen hemkarlishish kélishimi tüzüshni qarar qilghan idi. Rusiye bu üch döletning hemmisige mesile peyda qiliwatidu” dégen. U buning üchün abxaziye, pridnéstrowi'e, jenubiy ossétiye we dombastiki urush qatarliqlarni misal qilghan.

Mérkél sözide yene natoning özining sherqiy yawropadiki natoghra eza bolup kirgen qoshnilirini tashqi hujumlardin qoghdash mejburiyiti barliqini eskertken.