Shawket mirziyoyéf merkizi asiya elliri rehberlirining birleshmisini qurushni teshebbus qildi

Muxbirimiz ümidwar
2017-11-12
Share

Özbékistan prézidénti shawket mirziyoyéf merkizi asiya rayonidiki ellerning dölet rehberliri birleshmisi qurushni teshebbus qilghan.

Ottura asiya xewerliri torining özbékistan metbu'atliridin neqil élishiche, shawket mirziyoyéf semerqentte ötküzülgen "Merkizi asiya: oxshash ötmüsh, ortaq kélechek, öz'ara güllinish we puxta tereqqiyat üchün hemkarliq" dep atalghan xelq'araliq yighinda söz qilip, özining merkizi asiya elliri rehberliri birleshmisini qurush teshebbusini otturigha qoyghan.

U sözide mezkur méxanizmning merkizi asiya ellirining sana'et, meblegh, ilim jehetlerdin hemkarlishishini emelge ashuridighanliqi we pütün merkizi asiya rayonining tereqqiyatini kapaletke ige qilidighanliqini ilgiri sürgen.

Semerqenttiki bu yighin'gha merkizi asiya döletliri tashqi ishlar ministirliri, b d t, yawropa ittipaqi, musteqil döletler hemdostluqi, shangxey hemkarliq teshkilati qatarliq xelq'araliq teshkilatlarning wekilliri qatnashqan.

Uchurlardin melumki, ilgiri qazaqistan prézidénti nursultan nazarbayéf merkizi asiya döletliri ittipaqi namliq bir gewde qurup, ortaq pul chiqirish we ortaq soda-iqtisadiy sistéma berpa qilishni tewsiye qilghan bolsimu, emma sabiq özbékistan prézidénti islam kerimofning qollishigha érishelmigen idi. 

Yéngi özbék prézidénti mirziyoyéf qazaqistan, qirghizistan, türkmenistan we türkiye qatarliq türkiy döletlerni ziyaret qilip, ularning rehberliri bilen bolghan uchrishishlarda da'im qérindashliq, ortaq tarix we ortaq medeniyet tughqanchiliqini köp tekitligen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet