Xitay merkizi birlik sep bölümi toqquzinchi idarisini Uyghur élida qurdi

Muxbirimiz irade
2017-05-04
Élxet
Pikir
Share
Print

Merkizi birliksep bölümining 4-may küni chiqarghan uqturushtin qarighanda, xitay kompartiyisi merkizi birliksep bölümi özining 9-idarisini Uyghur élida qurghan bolup, uning asasliq wezipisi merkezning Uyghur rayonidiki siyaset, qanun, medeniyet, iqtisad saheliridiki siyasetlirining emeliylishish ehwalini tetqiq qilish we dölet ichi we sirtidiki Uyghur rayonigha chétilidighan siyasiy, iqtisadiy, jem'iyet we medeniyet ehwallirini tetqiq qilip höküm chiqirish we munasiwetlik tedbirlerni élip hel qilish iken.

Bu organ yene, Uyghur élining muqimliqi, milletler ittipaqliqi, weziyet, iqtisadiy tereqqiyat we merkezning siyasetlirining ijra qilinish salmiqini közitip, merkezge biwasite teklip-pikir sunidiken.

Bu xewer közetküchilerning alahide diqqitini qozghidi. Ularning qarishiche, Uyghur aptonom rayonluq partkomning her derijilik birliksep bölümliri mewjut bir shara'itta, merkizi birliksepning öz ishxanisini échishi Uyghur aptonom rayonining öz qanunlirighimu xilap bolup, bu organning hoquqining Uyghur rayonluq hökümettinmu yuqiri bolidighanliqi mölcherlenmekte. Uyghur élidiki ishlepchiqirish-qurulush armiyisimu Uyghur aptonom rayonluq hökümettin musteqil haldiki bir organ idi.

Toluq bet