Xitay da'iriliri roza héyt namizi harpisida meschitlerni 24 sa'et közitishni yolgha qoyghan

Muxbirimiz erkin
2018.06.11

Yétip kélish aldidiki roza héyt harpisida xitay hökümiti bixeterlikni qattiq kücheytip, meschitlerde 24 sa'et teqib qilish yolgha qoyulghan.

Musulmanlarning qurban héyt namizi 15‏-iyun küni oqulidu. Xitayning “Yer shari waqti géziti” xewer bérip, héyt munasiwiti bilen bixeterlikning kücheytilgenliki, yerlik da'irilerning közitish apparatlirini heriketke keltürgenlikini bildürgen.

Xewerde yene xitayning gu'angju, tyenjin qatarliq sheherliridiki meschitler xitay bixeterlik organliri we diniy ishlar da'iriliri teripidin teqib astigha élin'ghanliqini ilgiri sürgen.

“Xitay islam jem'iyiti” ning mu'awin re'isi we bayanatchisi jin rubin “Yer shari waqti géziti” ge bergen bayanatida, xitay bixeterlik organlirining teqibni kücheytkenlikini aqlap, “Roza héyt munasiwiti bilen nurghun kishiler meschit we ammiwi sorunlargha toplinidu. Shunga, bixeterlik tedbirlirini kücheytish zörür” dégen. Xitay memliketlik siyasiy kéngeshning mu'awin re'isi ju wéychün “Yer shari waqti géziti” ge qilghan sözide, Uyghur rayonining ismini tilgha almighan bolsimu, lékin u bezi ölkilerdiki “Diniy ashqunluqning tesirige uchrighan meschitlerning alahide bixeterlik tedbirlirini élishi telep qilinidighanliqi” ni bildürgen.

Xitay döletlik diniy ishlar idarisi 1‏-iyun chiqarghan uqturushida meschitke kirip namaz oquydighanlarning kinishka élishi kérekliki, kinishkini nahiye derijilik organning testiqlaydighanliqini bildürgen idi. Közetküchilerning ilgiri sürüshiche, bu belgilime kishilerning héyt namizigha qatnishishigha téximu chong tosalghu peyda qilidiken.

Uyghur rayoni bu yil xitayning Uyghurlarni yighiwélish lagérlirigha keng kölemlik qamash herikiti bashlan'ghandin buyan 2‏-qétim roza héyt namizi oquydu. Ötken yilqi ramizanda xitay da'irilirining meschitlerni nazaret qilishi, nurghun kishini lagérlargha qamishi seweblik tutqun qilishi roza tutqanlar hem roza héyt namizigha qatnashqanlar zor derijide azayghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.