Xitay da'iriliri barliq meschidlertning xitay bayqrini ésishini telep qildi

Xitay da'iriliri barliq meschitlerge xitay dölet bayriqi ésilip, musulmanlar arisida “Wetenperwerlik rohini namayan qilish” ni telep qildi. Xitay da'irilirining mezkur qarari xitayda diniy erkinlikke bolghan cheklime qattiq kücheytilgen birmezgilde chiqirildi.

Xitay memliketlik islam jem'iyiti ötken shenbe küni özining tor békitide élan qilghan uqturushida, xitay dölet bayriqining meschitlerning “Közge chéliqidighan” yérige ésilishi telep qilinip, buning “Dölet teweliki we puqraliq chüshenchini kücheytidighanliqi, her qaysi millet musulmanlirining arisida wetenperwerlik rohini algha süridighanliqi” tekitlen'gen. Xitay islam jem'iyitining uqturushida yene meschitler partiyening “Yadroluq sotsiyalistik qimmet qarishi” gha da'ir uchurlarni élan qilishi, buni dindarlargha islami tékistler bilen chüshendürüp, uni “Xelqning qelbide chongqur yiltiz tartquzushi” ni telep qilghan.

Xitay da'irilirining mezkur uqturushi chet'el axbarat wasitilirining diqqitini qozghidi. Firansiye agéntliqining düshenbe küni élan qilghan xewiride, islam diniy xitay kompartiyesi teripidin étirap qilin'ghan 5 dinning biri bolsimu, lékin musulmanlargha, bolupmu Uyghur rayonidiki musulman Uyghurlargha qaritilghan cheklime kücheytilip, ularning saqal qoyushi, namaz oqushi cheklen'genliki, onminglighan Uyghurning “Yépiq terbiyelesh lagérliri” gha qamilip, qanuni resmiyetsiz we muddetsiz tutup turiliwatqnaliqini tekitligen. Mesichtlerge xitayning dölet bayriqini ésish Uyghur rayonida xéli burun bashlan'ghan bolsimu, lékin bu qétim xitay islam jem'iyiti buni uqturush chiqirip resmileshtürgen. Xitay islam jem'iyitining uqturushida qeyt qilinishiche, bayraq ésishning meqsiti meschitlerni partiye we döletning qanun-siyasetlirini öginidighan saghlam sorun'gha aylandurup, musulmanlarning “Ortaq xitay kimlikige bolghan tonushi” ni xitaylar bilen oxshash chüshenchige ige qilish iken.