"Arsénal" putbulchisi mes'ut öz'il xitayning bésimi bilen özining ikki muhim musabiqide orun almaydighanliqini jakarlighan

Muxbirimiz irade
2020-10-22
Share

"Arsénal" kulubining dangliq putbolchisi mes'ut özil "Arsénal" kulubining xitaydiki menpe'etlirini közlep turup, özini "Cholpanlar birleshmisi" we "Yawropa birleshme" musabiqisda oynashqa tallimighanliqini ilgiri sürgen.

U bu heptining béshida ijtima'iy taratqular arqiliq özining putbol mestanilirige yazghan bir parche xéti arqiliq yuqiridiki ikki musabiqide komandigha élinmighanliqini we arsénal kulubining bundaq qarar élishigha xitay bilen bolghan menpe'et tijariti seweb boldi, dep qaraydighanliqini jakarlighan.

Gérmaniyelik türk potbolchi mes'ut öz'il 2019-yili dékabirda özining tiwéttér, féysbuk, instigram qatarliq taratqular arqiliq Uyghurlargha zulum qiliwatqan xitay hökümitini we zulumgha süküt qilghan musulman dunyasini qattiq eyibligen idi. Mes'ut özil bu bayanati bilen xelq'arada zor ghulghula peyda qilghan idi. Eyni chaghda amérika tashqi ishlar ministiri mayk pompéyo mes'ut öz'ilning merdaniliqini tebrikligen. Biraq arsénal kulubi derhal bayanat élan qilip, mes'ut özilning köz qarishining peqet özigila wekillik qilidighanliqini, arsénal putbol kulubining siyasetke arilashmaydighanliqini éytip özini chetke alghan. Xitay hökümiti bolsa weqedin qattiq narazi bolup, manchéstér we arsénal kulubi otturisidiki musabiqini xitay merkizi téliwziye qanilida tarqitishni bikar qilghan.

Mes'ut öz il aldinqi küni élan qilghan yazmisida özi sadiqliq bilen top oynighan arsénal kulubining qararidin qattiq ümidsizlen'gen bolsimu, adaletni yaqilashtin waz kechmeydighanliqini tekitligen we: "Men sizge wede béreleymenki, bu qarar méning idiyemde héchnémini özgertelmeydu. Men küchümning yétishiche dawamliq meshiq qilimen, imkanqeder awazimni qebihlikke qarshi turush we adaletni yaqilash üchün ishlitimen" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet