Арсеналниң сабиқ директори мәсут өзилниң уйғурлар һәққидики чақириқини қоллиди

Мухбиримиз әркин
2019-12-18
Елхәт
Пикир
Share
Принт

Әнгилийә арсенал кулубиниң сабиқ директори арсен вәнгер арсеналниң гермабнийәлик путбол чолпини мәсут өзилниң уйғурлар һәққидики пикирини қоллайдиғанлиқини билдүргән.

Фирансийә агентлиқиниң билдүрүшичә, арсен вәнгер 18‏-декабир күни қатар пайтәхти дохада мухбирларға сөз қилип, «мәсут өзилниң һәр кишигә охшашла сөз қилиш әркинлики бар. У өзиниң даңқини ишлитип, өз қаришини баян қилди. Әлвәттә, һәммә адәмниң униң қаришини қоллап кетиши кетиши натайин. Лекин униң өз пикирини баян қилиш һоқуқи бар» дегән. Мәсут өзилниң өткән җүмә күнки фейсбук, твиттер, инистиграм, хитайниң бәйду қатарлиқ иҗтимаий таратқуларда бирла вақитта елан қилған уйғурлар һәққидики сөзи дуняда қаттиқ ғулғула қозғиған.

Хитай һөкүмити униңға инкас билдүрүп, униң «сахта хәвәрләрниң қаймуқтуруши» ға учриғанлиқини илгири сүргән. Мәсут өзил сөзидә: «шәрқий түркистанда қуранниң көйдүрүлүп, мәсчит вә мәдрисиләрниң чеқиливатқанлиқи, диний алимларниң өлтүрүлүватқанлиқи, әркәкләрниң лагерларға қамилип, уларниң аилилиригә хитай әркәклириниң орунлаштурулғанлиқи, уйғур аяллириниң хитай әркәклиригә мәҗбурий өйләндүрүливатқанлиқи» ни билдүрүп, лекин «үммәтиниң буниңға сүкүт қиливатқанлиқи» ни тәнқидлигән. Арсенал кулуби мәсут өзилниң сөзигә мусапә қоюп, униң сөзиниң өзлиригә вәкиллик қилмайдиғанлиқини билдүргән болсиму, лекин хитай һөкүмәт таратқулири униң сөзиниң арсеналға «җиддий тәсирлири» ниң болидиғанлиқини тәкитлигән.

17‏-Декабир күни америка ташқи ишлар министири майк помпейо хитайниң инкасини тәнқидләп, компартийәниң өз тәшвиқат васитилиридә «мәсут өзил һәм ‹арсенал'ниң намини ‹қара тизимлик' кә киргүзүп қоялиши мумкинлики, әмма уларниң һәқиқәтни йепишқа илаҗсиз» икәнликини билдүргәниди.

Фирансийә агентлиқиниң билдүрүшичә, арсен вәнгер йәнә мәсут өзилниң сөзи арсеналға әмәс. Униң өзигә вәкиллик қилидиғанлиқини билдүрүп, «сиз өзиңизниң шәхсий пикирини ипадилигәндә униң ақивитини қобул қилдиңиз демәкликтур» дегән.

Пикирләр (0)
Share
Толуқ бәт