Mikrosoft linkéd'in (LinkedIn) alaqe supisining xitaydiki meshghulatini toxtatqan

Muxbirimiz erkin
2021-10-15
Share

Amérikining mikrosoft shirkiti linkéd'in ‍ijtima'iy alaqe supisining xitaydiki mulazimitini toxtatqan. B b s ning xewer qilishiche, linkéd'inning taqilishigha xitayning teleplirige emel qilishning künséri qiyinlishishi seweb bolghan. Mezkur ‍jti'ima'iy alaqe supisi Uyghurlar heqqide xewer yézip, uning irqiy qirghinchiliq qilmishini pash qilghan yaki kishilik hoquqqa xilap, parixorluq, chériklikke da'ir weqelirini ashkarilighan bezi zhurnalistlarning hésabini cheklishi ‍ixtilap peyda qilghan bir waqitta xitaydiki mulazimet supisini taqighan.

Linkéd'inning ilgiri bezi zhurnalistlarni cheklepla qalmay, bezi Uyghur pa'aliyetchilirining yaki xitayning Uyghur siyasitini talash-tartish qilghan bezi Uyghur tor abuntlirinimu chekligenliki melum. Melum bolushiche, linkéd'in bu yilning axirlirida xitaydiki mulazimitining peqet ishqa tonushturush supisinila ochuq qoyidiken. Xewerde, buning pikir yézish, maqale hembehirlesh yaki yollashni öz ichige almaydighanliqi bildürülgen.

B b s ning éytishiche, likéd'inning mu'awin prézidénti moxak shérog, "Biz xitayda téximu xirisqa tolghan mulazimet muhiti we téximu chong maslishish teleplirige duch kelduq" dégen. Linkéd'in xitayda mulazimet élip bérishigha yol qoyulghan birdin-bir gherb ‍ijtima'iy alaqe supisi bolup, 2014-yili mulazimet bashlighan bu supa xitayning teleplirige emel qilishqa qoshulghan. Amérika kéngesh palata ezasi rik skot ilgiri linkéd'inni tenqidlep, uning herikitini "Xitay kompartiyesige qilin'ghan éghir xushametchilik we teslimchilik" dep eyibligen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet