Милад байрими мәзгилидә бейҗиңда бихәтәрлик әндишиси күчәйди

Мухбиримиз меһрибан
2015-12-25
Share

Бейҗиңда турушлуқ ғәрб әлчиханилириниң милад байрими җәрянида чәтәлликләргә һуҗум қилиш вәқәлириниң көрүлүш еһтималлиқи барлиқи тоғрисидики агаһландурушлиридин кейин, бейҗиң даирилири бейҗиңдики чәтәлликләр туридиған җайлар вә улар көпләп баридиған базарларниң әтрапидики сақчиларни көпәйткән.

Алдинқи күни америка, әнглийә, фирансийә вә башқа бир қисим чәтәл әлчиханилири уқтуруш тарқитип, милад байрими мәзгилидә сәнлитун районида ғәрбликләрниң һуҗумға учраш еһтималлиқиниң барлиқи тоғрисида учур алғанлиқини билдүрүп, бейҗиңдики өз дөлити пуқралирини байрам мәзгилидә һошяр болушқа чақирған иди.

Бейҗиң сақчи тармақлириму 24-декабир күни баянат берип, милад байрими җәрянида бихәтәрликни капаләткә игә қилиш үчүн сериқ рәңлик агаһландуруш чиқарғанлиқини уқтурди. Сүрәтлик хәвәрләрдин мәлум болушичә, 25-декабир милад байрими күнидә толуқ қоралланған сақчилар бейҗиңдики әлчиханилар районида бир қисим әлчиханиларниң әтрапида җиддий чарлаш елип барған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт