Xitay da'iriliri xitay puqralirini Uyghur qoshnilirigha qarshi "Mudapi'e esliheliri" bilen qorallandurushqa bashlighan

Muxbirimiz erkin
2018-11-26
Élxet
Pikir
Share
Print

Uyghur rayonidiki yerlik da'iriler xitay puqralirining "Mudapi'e esliheliri" ni sétiwélip, qoshna öylerdiki musulman Uyghur a'ililerge qarita "Ijtima'iy muqimliq" ni qoghdishini telep qilghanliqi ilgiri sürüldi.

"Ziminstan" namliq diniy erkinlik torining xewiride ashkarilinishiche, xitay da'irilirining "On a'ililik birleshme mudapi'e programmisi" dep nam bérilgen bu siyasiti bu yil 4‏-aydin bashlap ijra qilinishqa bashlighan. Mezkur programmida xitay puqralirining tömür qalpaq, qalqan, ot öchürüsh eswabi, peley, mudapi'e pinjiki, sim tor qatarliq qorallarni sétiwélishi telep qilin'ghanliqini bildürgen.

"Zimistan" torining xewiride ashkarilinishiche, "Birleshme mudapi'e programmisi" gha qatnashqan xitay puqralirining wezipisi Uyghurlarning qiyapiti we kiyim-kécheklirige diqqet qilishi, kiyim kéchikide ay yultuzning belgisi bar kishilerni, saqal qoyghan erkeklerni, hijaplan'ghan ayallarni we "Bashqa gumanliq shexsler" ni nazaret qilishken. Xewerde yene xitay a'ililerning öyige agahlandurush signali we bixeterlik kamérasi sétiwélip orunlashturushi telep qilin'ghanliqi ilgiri sürülgen.

"Zimistan" torining xewiride bayan qilinishiche, buningdin bir qanche ay awwal qumul shehiride bir idarining bayraq chiqirish murasimidin kéyin, idarining partkom sékrétari Uyghurlarni qayturuwétip, xitay xizmetchilerge ayrim yighin achqan. U yighinda "10 A'ililik birleshme mudapi'e programmisi" ni tonushturup, bu programma Uyghurlarning döletke qarshi isyan kötürüshining aldini élishqa munasiwetlik ikenlikini bildürgen.

Xewerde ashkarilinishiche, nöwette bu programma qumul, sanji, küytun, shixenze, xoten qatarliq jaylarda ijra qilmaqta iken. Xewerde, xitay puqralirining yuqiriqi eswablarni öz puligha sétiwélip, döletning az sanliq milletlerge we din'gha qarshi hem "Esebiylik" ni tügitish üchün küresh qilishi telep qiliniwatqanliqi bildürülgen.

Toluq bet