Пүтүн мисир миқясида һәрбий һаләт елан қилинди

Мухбиримиз җүмә
2013.08.14

Мисир һөкүмити чаршәнбә күни пүтүн мисир миқясида бир айлиқ һәрбий һаләт йүргүзүлидиғанлиқини елан қилди.

Мәзкур һәрбий һаләт сабиқ мисир президенти муһәммәд морсиниң қоллиғучилирини бастуруш һәрикитидин кейин йолға қоюлди.

Мәлум болушичә, бу нөвәт мисирда йүргүзүлгән бастурушта 95 өлгән. Бәзи ахбаратларда өлгән адәм саниниң 149ға йетидиғанлиқи хәвәр қилинған.
Мисирниң сабиқ президенти муһәммәд морси вәзиписидин мәҗбурий қалдурулғандин кейин, морсини қоллиғучилар намайиш қилип, наразилиқ билдүргән.

Намайиш өткән бир нәччә һәптидин буян мисирниң һәрқайси шәһәрлиридә һәр хил шәкилдә давам қилмақта иди.

Чаршәнбә күни мисирниң һәрбий вә сақчи даирилири биликтә намайишчиларниң чедирлириға һуҗум қилған. Мәзкур һуҗум дуня характерлик наразилиқ қозғиған иди.

Америка ақсарай даирилири бу һәқтики баянатида мәзкур бастурушни қаттиқ әйиблиди вә бу хилдики бастурушларниң мисирда тинчлиқ орнитишни техиму қейинлаштурудиғанлиқини билдүрди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.